• Instaláronse una ducia de contedores de cartón, vidro e plásticos.
• O concello conta dende a semana pasada cun contedor para o papel.

   O equipo de goberno de Ribadumia, a través das concellerías de urbanismo e medio ambiente, puxo este mes en práctica un plan de mellora do servizo de recollida de lixo, centrado neste caso na reciclaxe: plastico, cartón e vidro.

  Para a posta en marcha deste plan durante os últimos meses dende estas concellerías negociouse coas empresas concesionarias destes servizos, co obxectivo de conseguir varias melloras.

  Froito desas negociacións procedeuse a primeiros de ano á limpeza de todos os contedores de vidro e reparación de varios deles. Tamén se mellorou o servizo que se lle da os locais de hostalería do núcleo de Barrantes, colocando tres contedores de vidro con volteador automático, e distribuíronse contedores adaptados este mecanismo e con rodas en varios locais, co obxectivo de facilitarlle os hostaleiros o traballo de acarrexar e descargar o vidro. Estes contedores, ademais, inclúen nun dos seus laterais imaxes publicitarias do noso concello.

   Como complemento a este esforzo, durante as festas a empresa de xestión do vidro, Ecovidrio, instalou un stand na carpa da festa para dar información e promover a reciclaxe, e dispuxo dun servizo de apoio e reforzo  na recollida do vidro os locais e na propia carpa.

  Enrique oubiña recalca que ” no núcleo de Barrantes é onde maior número de locais de hostalería se concentra, e faciase necesario reforzar o servizo, ademais eses novos contedores, co sistema automático, acompañado duns cubos adaptados e con rodas, permite facilitar enormemente o transporte e o vaciado do vidro no contedor, algo que os hostaleiros agradecen”.

Fixéronse así mesmo  cambios na instalación de contedores de cartón e plástico, xestionados por Soil-Recovery,  mudando varios que eran evidentemente insuficientes por outros mais grandes e de mellor acceso, e añadindo outros en puntos onde se crían necesarios ou había demanda por parte dos veciños. A empresa está tamén procedendo nestes días a súa limpeza.

   Un dos puntos onde se colocou un contedor de recollida de papel, foi no edificio do concello, onde, tal como explica Oubiña “a pesares da gran cantidade de papel que se xera, ninguén se había preocupado de colocar un contedor azul.”

  Oubiña tamén remarca que  “todas estas actuacións, que ademais non lle custaron un euro ó concello, son froito do traballo de meses dende a  miña concellería e a de Pepe Lede, e supoñen unha importante melloría no servizo da recollida selectiva”. 

Enrique Oubiña ven de anunciar na súa paxina persoal que pagará o seu convite ó xantar do  tinto, como calquera outro veciño.  No seu artigo, ó que podedes acceder  aqui  explica  os seus motivos, que non nos corresponde valorar neste espazo, pois é unha cuestión persoal.

  En todo caso, sendo moi respectuosos coas decisións persoais de cada quen, dende Somos Ribadumia valoramos moi positivamente que o noso portavoz, por decisión propia tome a iniciativa e renuncie a privilexios como este,  mais ainda cando, obviando o seu cargo político,  como membro da Comisión Organizadora estaría exento de pagar o convite. Esa renuncia, que parece un detalle nímio, é un feito fundamental para a nosa plataforma, recollido ademais no noso código ético,  que di literalmene no seu primeiro punto: 1. NON AOS PRIVILEXIOS: Os Concelleiros de SOMOS RIBADUMIA rexeitarán calqueira agasallo, privilexio ou trato de favor, que se lle poida ofrecer en razón do seu cargo.

Exemplos como o de Enrique Oubiña indican que efectivamente algo está mudando no concello de Ribadumia, e nalgúns dos nosos representantes políticos.

 Dende Somos Ribadumia aproveitamos para convidar a todos os veciños e veciñas a acudir a XLIV Festa do viño tinto do Salnés, e a disfrutar de toda a axenda que dende a Comisión Organizativa  prepararon con toda a intención de facer destes días algo moi especial,  e que estamos seguros de que vai ser un éxito de asistencia e participación.

• O  Concello de Ribadumia realizou unha ampliación do convenio con BATA e novas contratacións de persoal para levar a cabo obras de mellora e limpeza do Concello.

   O Concello  levou a cabo unha ampliación do convenio firmado meses  atrás con Baión Asociación Tratamento Autismo (BATA). Esta ampliación, cuxa posibilidade xa figuraba no convenio asinado meses atras, supuxo un importante reforzo das cuadrillas de traballo que eses días acondicionan o noso concello de cara o verán. Polo que respecta a BATA , o aumento do convenio supuxo pasar de tres traballadores a cinco e durante varios días, e tamén se aumentou a súa xornada pasando das cinco horas a oito.

Tal como explica  Enrique Oubiña, “cando asinamos o convenio con BATA para este ano, xa  contemplabamos como melloría  a posibilidade de reforzar traballos diversos contando con esta entidade, unha formula sinxela que nos permite en momentos puntuais poder contar con este colectivo social no que tamen hai veciños do noso concello, e o mesmo tempo sacar adiante un traballo necesario.”

  Ó aumento do  grupo  de BATA sumáronse as novas contratacións realizadas na presente semana para reforzar as cuadrillas das que dispón o concello , e todos eles están nestes días e vindeiros a realizar tarefas de arranxo de mobiliario, limpeza do paseo  fluvial do Umia e da Ruta da Pedra e da Auga, de zonas verdes e axardinadas, beirarrúas, etc.

O Concello de Ribadumia quere manter a súa boa imaxe para que os veciños , veciñas e visitantes poidan disfrutar do noso concello e das súas zonas mais interesantes, pero tal como explica o concelleiro de Obras ” aproveitamos a escusa de que nestes días temos a festa do viño para facer un esforzo extra na posta a punto de todo o concello, pero en realidade xa levamos semanas de traballo intenso, co obxectivo é facilitar os traballos de mantemento  ó longo do verán e outono, e asi mellorar a xestión dos nosos recursos. Ademais estase traballando nunha mellor xestión medioambiental, co obxectivo de que cando veña o inverno e as riadas os paseos fluviais e zonas verdes non sufran tanto deterioro “.

• A falta de facultativos supón para os veciños unha lista de espera en atención primaria de máis de 15 días.

   A lista de espera para unha consulta de atención primaria no centro de saude de Ribadumia incrementouse ata supor casi quince días. O motivo principal nestes intres céntrase en que un dos dous facultativos que prestan servizo no Centro de Saúde deste Concello, por motivos persoais, só presta consulta durante tres horas diarias, de 8:00 a 11:00, non sendo substituído no resto de horario de consulta. Co que dende as 11 horas da mañá queda un só facultativo para cubrir as consultas, urxencias, e posibles saídas do centro por emerxencia. Situación que se agrava cando non está o pediatra, xa que a maiores ten que cubrir tódalas urxencias de pediatría que se presenten . A isto hai que sumarlle a circunstancia de que os facultativos que levan a cabo a súa labor en Ribadumia, excenden  o seu cupo de pacientes, atendendo actualmente a 1800 e 1500 persoas respectivamente, moi por riba 1200 pacientes establecidos, que son os que atenden os facultativos de concellos veciños e similares en numero de habitantes, como Meis e a Illa,  que contan ademais con 3 medicos cada un.

Para poder dar resposta os veciños e a unha mellora da situación no Centro de Saúde, o equipo de goberno ven e solicitar ó Sergas unha reunión urxente na que afrontar estas situacións e outras posibles melloras .