O equipo de goberno, dentro dos orzamentos aprobados o pasado xoves, incluíu unha partida “convenio Igrexa Sisan-Barrantes”.

      Esta partida estableceuse para dar cabida económica a unha serie de actuacións que este equipo de goberno ten pensado levar a cabo en beneficio dos veciños, e para as cales leva semanas negociando coa Igrexa.

   Entre esas actuacións que se están negociando destaca a ampliación dos accesos a Igrexa de Barrantes, e creación de o redor de 115 prazas de aparcamento, unha acción moi demandada polos veciños.

  Tamén se inclúe nese paquete un apoio de 5.000€ a reparación do campanario da Igrexa de Sisan,  e diversas actuacións mais no seu entorno proxectadas para este ano, como adecentar o pavimentado das zonas comúns do cemiterio ou a canalización das augas pluviais que se recollen no cemiterio  que están poñendo en perigo o muro de peche do camposanto,e nos terreos da antiga carballeira, para poder acondicionalos para o seu uso integro como aparcamento.

 

 Unha serie de actuacións que van moito mais aló dun apoio puntual a unha acción concreta, e que mostran o talante con que o actual equipo de goberno está a xestionar o concello, usando os fondos públicos, non para actuacións de cara a galería que busquen fotos bonitas na prensa, se non para buscar solucións reais e prácticas ós problemas dos veciños, neste caso negociando coa Igrexa no canto de limitarse, como propoñía a oposición,  a dar apoios económicos sen negociar  contrapartidas que beneficien os veciños e veciñas do noso concello .

  A inclusión desta partida orzamentaria, ademais desmonta a falacia verquida polo PP local cando afirmaba que Somos Ribadumia e o seu representante Enrique Oubiña ían boicotear un suposto apoio a reparación do campanario da Igrexa de Sisan. A realidade é que foi o PP o que se opuxo os orzamentos aprobados, e quen deste xeito se opón a que o goberno municipal busque solucións ós problemas dos veciños de Sisan, de Barrantes , e do resto de parroquias do noso concello.

 

• No pleno extraordinario celebrado este pasado xoves na casa consistorial, o equipo de goberno aprobou o documento orzamentario para este ano 2016.

• Na súa presentación, a concelleira de contas, Pilar Martinez, serviuse de apoio visual  cun proxector para explicar as características e novidades do orzamento, favorecendo así unha mellor comprensión por parte dos veciños presentes.

  Deste orzamento pódense salientar varias cousas; a primeira que son uns orzamentos que axustan as partidas ós gastos reais comprobados, o cal permitiu ter uns orzamentos acorde a realidade que vivimos no concello, algo que ata o de agora non acontecía; gracias a un esforzo na xestión dos recursos,  prevé unha redución do porcentaxe total destinado a gasto corrente dun 3%, pasando de ser o 49%  do total do orzamento no 2015 a supoñer o 46% ( 1.584.398,92€), a pesares de que a suba no consumo eléctrico, principalmente debido ó aumento do número de instalacións co novo campo de fútbol, prexudica seriamente este apartado.

Por outra banda, este orzamento inclúe partidas novidosas, como a dedicada a festa do viño tinto, que este ano vai ser xestionada integramente a través do concello. Hai tamén unha partida nova destinada a apoiar as entidades que organizan as festas parroquiais, outra para apoiar diversos eventos deportivos, e en especial unha partida denominada promoción do emprego e inserción social, que pretende reforzar estas areas a través de diversos plantexamentos que se están estudando e que se porán en marcha nos próximos meses. Tamén se inclúe unha partida para alcanzar diferentes convenios coa igrexa, e poder así por unha banda dar apoio a reparación do campanario de Sisan, e por outra banda buscar unha solución ós accesos da igrexa de Barrantes. Neste sentido ademais esta prevista a adquisición dun panteón social no cemiterio de Leiro.

Unha cuestión a salientar corresponde as partidas para apoio a entidades culturais e sociais. Se ben estas cantidades orzamentariamente se manteñen como en anos anteriores, a partires deste ano as cantidades reais destinadas ó reparto de axudas vai pasar de ser o 50% da partida como ata o de agora, a supor o 100% da partida consignada nos orzamentos, o que na práctica supón un aumento nas axudas a estas entidades no dobre de anos anteriores, solo que sen modificar a partida orzamentaria.

Por outra banda auméntanse diversas  partidas, como a destinada ó apoio a entidades deportivas, que sube 9.000€, pero especialmente aumenta a partida  investimentos reais, que soben mais de 100.000€ con respecto o 2015, situándose nos 513.361,66€, e que suporá un importante avance na resolución de diversos problemas de saneamento, accesos e outros recollidos nas diferentes xuntanzas levadas a cabo nas  parroquias.

 Tamén hai que salientar a adhesión o proxecto transfronteirizo POPTEP 2015-2019, que suporá, de saír adiante un importante impulso para o sector vitivinicola e o turismo vinicola no noso concello e en toda a denominación Rías Baixas, coa creación do Cluster Luso-Galaico do viño alvariño.

   En resumo, tal como explica o equipo de goberno, este orzamento foi elaborado dun xeito moito mais claro e específico, que permitira situar cada partida económica nun apartado determinado perfectamente identificable, e así facilitar, non solo a comprensión por parte de calquera veciño, se non tamén a xestión das diferentes partidas, e comezar así un camiño de mellora no ordenamento e uso dos recursos municipais

• Na proposta de orzamentos recóllense varias das propostas realizadas polos veciños nas xuntanzas que se mantiveron nas parroquias.

• Na súa elaboración primouse a transparencia, detallando todas as partidas de investimentos e gastos.

O equipo de goberno do Concello de Ribadumia ten cerrada a que será a súa primeira proposta orzamentaria para o presente ano 2016. Así, no día de onte, logo de comunicarllo o pasado venres na xunta de portavoces, entregóuselle á oposición municipal a proposta de orzamento e as bases de execución para que as poidan estudar e facer propostas se o cren convinte. A comisión de Contas foi tamen convocada para o próximo martes.

A proposta orzamentaria ascende a un total de 3.361.721,65 €, onde os INVESTIMENTOS REAIS,  suman un total de 513.361,66 €, cantidade que supón un incremento de máis de 100.000€ sobre os orzamentos presentados o ano pasado polo equipo da señora Peña.

O capítulo de persoal ascende a 1.080.491,14 € e o de gastos correntes a 1.584.398,92 €, capítulos nos que están incluídos todos os gastos necesarios para manter todos os servizos e accións que leva a cabo o Concello de Ribadumia ó longo do ano, todo isto facendo un esforzo para non  aumentar a carga impositiva sobre os veciños.

 Hai que destacar tamén o traballo en prol da TRANSPARENCIA que o equipo de goberno levou a cabo na elaboración dos orzamentos ó detallar na proposta as partidas de investimento e de gastos ó máximo (en subpartidas) e agrupalas por concepto de gasto, facendo moi sinxela a súa interpretación por calquera veciño.

Este goberno está comprometido coa transparencia e dar o máximo de información aos veciños sobre en que se está gastando realmente o diñeiro dos seus impostos.

  Dentro desta aposta do actual equipo de goberno pola información e a transparencia, realizáronse XUNTANZAS EN TODAS AS PARROQUIAS DO CONCELLO para contrastar cos veciños as necesidades de cada parroquia e recoller suxerencias e propostas. Nesas xuntanzas saíron a relucir moitas deficiencias, sobre todo nas redes de saneamento e abastecemento de auga, que levaban tempo solicitando ao concello sen obter resposta.

Neste orzamento recolléronse moitas destas necesidades apuntadas polos veciños, facendo ademais un reparto equilibrado entre as diferentes parroquias do concello.

Así podemos mencionar actuacións como o saneamento en Pereira, Traveselas ou Puxafeita (Ribadumia), a rede de pluviais en Casal (Besomaño), a ampliación do vial á igrexa de Lois, o saneamento na Costa, Leiromeán ou Piñeirón (Leiro), a mellora de varios camiños e acceso a fincas en Sisán ou a ampliación do vial de acceso norte ao colexio en Barrantes.

Ademais,  os orzamentos 2016 recollen melloras en distintos edificios públicos necesarias a deficiencias diversas ou á falta de mantemento nos anos anteriores debida principalmente a deixadez do anterior equipo de goberno. Así podemos poñer como exemplo o caso da partida de 9.500 € de investimento que hai que facer no Centro Social de Lois para reparar e poñer en funcionamento o sistema de calefacción, que dende que foi construida non chegou a funcionar correctamente e supoñia unha sangría de gastos en combustible inutil, ou diversas partidas para reparar deficiencias nas redes de saneamento e abastecemento reclamadas polos veciños.

Para Enrique Oubiña, “esta é a primeira pesentación, e non serán definitivos ata que vaian a pleno, pero xa se ven os cambios de estilo e de maneira de gobernar. Polo de pronto o documento é moito mais fácil de entender para calquera, co cal mellora a transparencia, e fixose un esforzo por recoller as propostas que os veciños nos fixeron chegar, algo que neste concello non se había visto ata o de agora, facilitando así a participación veciñal na vida municipal e na distribución dos recursos”.

   Por primeira vez incluense persoas discapacitadas de Ribadumia, e este  novo convenio recolle a posibilidade de poderse ampliar  ó longo do ano.

  Na maña de onte déuselle sinatura ó convenio entre Concello de Ribadumia e BATA, unha entidade que traballa na  integración social de persoas con discapacidade.

 Dito convenio permitirá contratar a tres persoas, dúas das cales por vez primeira son veciñas do propio concello, algo que para Enrique Oubiña “non deixa de ser unha sorpresa que anteriormente non se fixera un esforzo por integrar a veciños do concello, mais vendo que efctivamente temos algún caso, co cal debemos concluir que igual  convenios como este se asinaban mais de cara a galería que con intención real de conseguir algo positivo para os nosos veciños e veciñas”. Como en anos anteriores estas persoas realizarán labouras de xardinería un día a semana, dende o próximo luns  ata o 31 de decembro.  Ademais destas tres persoas, que estarán acompañadas por un monitor, o convenio establece a posibilidade de que o longo do ano se puidera ampliar a mais persoas , días e mesmo outras areas de traballo, o cal podería en determinados momentos supoñer un reforzo para o persoal municipal.

  Para Enrique Oubiña, concelleiro de servizos  sociais,  “convenios como este axudan a que persoas discapacitadas poidan integrarse no mundo laboral e a mellorar por extensión a súa calidade de vida, e dende este equipo de goberno, inda que actualmente non previamos a ampliación, queremos deixar a porta aberta neste convenio a poder integrar a calquera veciño ou veciña que precise dar un paso neste senso. Ademais iniciamos unha nova etapa de colaboración, onde poremos especial atención en identificar os casos que poida haber entre os veciños e veciñas de Ribadumia, para tentar buscarlle solucións que supoñan unha mellora na súa calidade de vida .”