Esta tarde terá lugar, a partir das 21.00 horas, un pleno municipal extraordinario onde entre outros asuntos, vanse  aprobar as axudas a entidades e clubs.

  Estas axudas son parte fundamental do funcionamento do concello, e este ano presentan como principal  novidade a aplicación das novas bases aprobadas polo actual equipo de goberno, e un incremento sustancial nas cuantias aprobadas. O total das axudas será de 17.000€ para entidades culturais, 28.900€ para clubs deportivos, e 3.400€ máis para entidades sociais. todo isto suma un total e 49.300€ a distribuir, que supón o 85% das partidas dispoñibles nas diferentes áreas, quedando o 15% restante, ata completar o total dos 59.000€ previsto no orzamento, para cuestións excepcionais que puderan xurdir, ou se por aumento das actividades dalgunha entidade se vira necesario facer unha revisión das axudas concedidas.

No que respecta as entidades, vanse aprobar axudas para 22, todas as que fixeron a solicitude, e dous deportistas individuais; un aumento importante pois no 2015 so 13 entidades recibiron axudas municipais. Ademais, o aumentar a proporción da parte que se emprega das partidas ata o 85%, como resultado temos que todas as entidades, sempre e cando cumpran os requisitos que se lles esixe, van ver aumentado o apoio con respecto ó ano 2015, que xa foi maior que no 2014.

Hai que resaltar que este ano, gracias as novas bases aprobadas coa oposición do PP, o abanico de entidades beneficiadas increméntase, especialmente no eido social, onde agora poden optar a percibir apoio do concello entidades como Esperanza Salnés, que coas bases anteriores ficaban forá do reparto. Para Enrique Oubiña ” non podía ser que hubera unhas bases de adxudicación a entidades sociais que foran tan excluintes. Corriximos ese erro e agora calquera entidade social que realice traballo con veciños e veciñas de Ribadumia pode optar a ter apoio do concello.”. Tamen entrará no reparto de axudas o naútico O Muiño, que o PP tiña vetado coas anteriores bases, algo que o actual tenente de alcalde Enrique Oubiña denunciou nos anos de oposición “porque era unha inxustiza enorme e incomprensible, máis nun club cos éxitos e o traballo que atesoura o naútico,  e que leva a imaxe de Ribadumia por todo o mundo”. 

Como novidade tamen se propoñen dous apoios a deportistas de xeito individual, unha opción que xa figuraba nas bases anteriores, pero que pola formulación era difícil de aplicar.

Para Oubiña, “en resumo as novas bases demostran o que levamos algúns anos decindo, e o que defendemos dende Somos Ribadumia, coincidindo ademais cos criterios dos  nosos socios de goberno: é posible ter unhas bases que sexan xustas e equitativas, e que posibiliten unha valoración obxectiva, deixando ós políticos fora do proceso de valoración. Ademais o medo, alentado polo PP, a  que as novas bases perxudicaran ás entidades demostrouse absurdo, pois, tal como nos aseguramos, ó ter un proceso totalmente medible e obxectivo non queda marxe para que ningunha entidade sexa tratada mellor ou peor que as outras.”

• A valoración feita na asemblea conclúe que hai aspectos moi positivos, pero outros, como a política social e de loita contra o paro deben recibir un empurre.

• Rexeita aceptar o convite de “En Marea” de cara as autonómicas, e centrarase no traballo municipal.

• A nivel individual, os membros de Somos Ribadumia teñen liberdade para participar se o desexan naqueles partidos ou plataformas e procesos que consideren.

   O pasado mércores Somos Ribadumia realizou unha asemblea onde se trataron varios asuntos.

  Entre o mais salientable está a valoración do traballo feito e da situación do pacto de goberno. Logo dun repaso exhaustivo de todo o traballo feito, concluíuse que se ben as dificultades eran moitas ó chegar,  estáse traballando moi intensamente con aspectos moi positivos, e o cambio no goberno municipal foi evidente dende o primeiro día, sobre todo no que corresponde coa transparencia e a participación veciñal os xeitos de gobernar convertendo o Concello nun ente mais aberto á cidadanía.  Pero hai outros aspectos que deben mellorarse, e nun período de tempo curto, como son a política social e de loita contra o desemprego, que necesitan de medidas mais efectivas, dentro das posibilidades do concello.

  En resumo Somos Ribadumia entende que o pacto de goberno goza en xeral de boa saúde, se ben haberá que facer un esforzo para axilizar os tempos e sacar adiante as propostas consensuadas no seu día.

  Por outra banda, non foi posible consensuar unha postura con respecto a que papel tomar de cara as eleccións municipais, algo moi lóxico nunha forza transversal como o é Somos Ribadumia e co panorama político actual. Finalmente votouse, e a opción de apoiar o proceso de “En Marea” tampouco tivo o apoio suficiente, establecido en 2/3 dos participantes na asemblea, para saír adiante, polo que Somos Ribadumia vai centrar como plataforma os seus esforzos na política municipal. A pesares disto, as persoas que forman parte de Somos Ribadumia que desexen apoiar a forzas políticas de cara as próximas eleccións autonómicas teñen total liberdade para facelo.

Para enrique Oubiña ” Levamos formando parte do goberno un ano, avanzamos moito no cambio en Ribadumia, pero non nos conformamos, e queremos levar o pacto de goberno á realidade en todos os seus puntos, que para nos son primordiais. Ademais disto en SR seguimos sendo exemplares en canto a criterios de xestión e de democracia: analizamos as cuestións abertamente, falamos con claridade e sinceridade, debatimos e tentamos chegar a acordos consensuados. E cando  eses consensos non son posibles  e temos que votar algo, non o sacamos adiante se non conta co apoio dunha parte moi maioritaria. “

Este mércores, no centro social de Barrantes terá lugar as 20:30 h. unha nova asemblea de Somos Ribadumia.

Levamos un ano formando parte do goberno municipal, e toca facer balance e valorar todo o feito, e marcar os seguintes pasos.

Ademais, este outono haberá eleccións autonómicas, e como plataforma debemos decidir se queremos ter un papel nesa cita electoral.

A xuntanza, como sempre, é aberta a todos os nosos veciños e veciñas. Asi que animádevos a participar e axudar a construír un concello mellor.

 

O pasado luns presentabase de xeito oficial as novas ferramentas de comunicación do Concello. O tripartido puxo de longo nun acto celebrado no salón de plenos do Concello  a nova web ribadumia.org   ,  a platforma dixital   “o meu concello” que ven asociada a unha app para smartphones.

Dende o equipo de goberno afirman que goberno tiñan moi claro, xa antes das pasadas eleccións, que a páxina web do concello estaba totalmente anticuada, e ademais non estaba levándose correctamente, algo que se notaba no deseño e na falta de actualizacións que a web tiña.

Unha vez chegados ó goberno, unha das primeiras cousas que fixeron foi poñer o ollo na web e na forma na que se estaban tratando as redes sociais do Concello. Ademais de certa deixadez no seu uso, atopouse que o mantemento da web era moi caro e o contrato coa empresa que a xestionaba era bastante prexudicial para o Concello. Por poñer un exemplo, cambiar un banner (unha simple foto) custaba o redor dos 150€, co cal manter a páxina activa e en condicións durante todo o ano se facía economicamente inasumible.

Con este punto de partida iniciouse o proceso de actualización da páxina. A maiores diso, o equipo de goberno apostou por dispoñer dunha ferramenta que fora de utilidade para os veciños, e que o acceso se pudera facer dende calquera dispositivo electrónico. Por ese motivo, ademais da web creouse unha plataforma dixital e a correspondente app, que mais adiante se explica en profundidade.

O que este equipo de goberno busca coa creación destas ferramentas é afondar na transparencia, facilitarlle ós veciños e veciñas toda a información municipal e facilitarlle tamén os tramites burocráticos.

Afirman así mesmo que con estas novas tecnoloxías aplicadas ó día a día da vida municipal e sumados ó uso das redes sociais e doutros mecanismos de comunicación, como as xuntanzas que eventualmente se realizan nas parroquias, ou diversos boletíns con información que se envían os fogares, vanse conseguir estes obxectivos, e poderase dicir que en Ribadumia a transparencia por fín é total, e que os veciños realmente son parte activa do Concello.

Hai que decir que o desenrolo destas novas ferramentas dixitais, foi preciso contar, ademais de coa empresa Galimaxina, co apoio de todas as concellerías e do persoal do concello, pois partiuse de cero e foi preciso unha recopilación de información de tal calibre que non sería posible sen facer un traballo conxunto. Ese traballo é o que xustifica a tardanza en ter as ferramentas dispoñibles, pero o resultado ben mereceu a espera.

WEB
Unha vez entramos na web ribadumia.org o primeiro que vemos é que a presentación da pantalla principal (home) mudou completamente con respecto a web anterior. Agora temos en primeiro lugar unha presentación do concello cunha serie de fotografias en formato grande, cunhas breves mensaxes. Isto é así porque o que esta web pretende é presentarse a veciños e non veciños por igual, e que esa presentación non dea a imaxe de estar accedendo a unha páxina excesivamente “profesional”. O entorno da web e bastante limpo e atractivo á vista,non está saturado de seccións, e divide a información en grandes areas.

Na parte superior temos as catro areas mais importantes, en forma de menus desplegables. Se imos clicando en cada unha destas seccións abrense e vemos que temos un acceso facil e ordenado a todas seccións. Como despois explicaremos, hai varios niveles de acceso a estas seccións, según un sexa veciño de Ribadumia ou non.

Se imos baixando na páxina principal vemos resaltados con catro banners con catro áreas que consideramos van ser a que mais uso teñan: turismo, portal de transparencia, perfil do contratante e servizos, clicando en cada un deles accedemos a unha páxina con todas as seccións.

E se baixamos mais temos a información mais inmediata, as últimas novas, a axenda, e un formulario de suxestións para que quen o desexe poida dirixirse o concello.

PLATAFORMA  “O meu concello”. 
A plataforma dixital , que denominamos “o meu concello” www.omeuconcello.ribadumia.org,   é na práctica o lugar onde se almacena a maior parte da información do Concello.

Ten un entorno tamén moi ordenado, dividido en grandes grupos coas súas correspondentes seccións. Actualmente hai quince grupos pero esa cifra poderá variar no futuro en función de cómo vaia o uso, ou de novas necesidades que vaiamos tendo. Dentro dese quince grupos temos dende o portal de transparencia, coas declaracións de bens dos concelleiros, as actas municipais ata as axudas publicadas, pasando pola axenda e toda a actualidade do concello.

REXISTRO.
Como xa comentamos, hai varios niveis de acceso a información.
Por unha banda temos toda a información turística, unha parte do portal de transparencia e o perfil do contratante, que son abertos a calquera visitante da web e plataforma, para o cal non é preciso rexistrarse.
Un segundo nivel de acceso correspondese con visitantes que se rexistran pero non son veciños empadroados no concello. Estes teñen acceso a mais información, pero non a toda.
E en terceiro lugar temos o acceso a usuarios rexistrados empadroados no concello. Estes teñen acceso a toda a información que haxa na plataforma, poden consultar liñas de axudas, acceder a diversa documentación municipal, etc.

¿Por qué é necesario o rexistro para acceder a toda a información?

Primeiro por seguridade. Para poder garantir que o entorno onde o veciño se move é totalmente seguro para el hai que ter unhas formulas de seguridade, entre elas o acceso rexistrado. Pero ademais disto é necesario rexistrarse porque esta ferramenta non esta pensada como un cadro estático so de consulta, se non que se plantexou como unha canle de comunicación bidirecciónal e en tempo real. Unha vez que unha persoa se rexistra, e ese rexistro é aprobado dende o concello, automaticamente terá acceso a información correspondente, pero é que ademais recibira puntualmente e en tempo real, todo aquelo que se publique na plataforma e poida ser do seu interes, pois a persoa rexistrada terá unha conta de correo persoal, ademais de poder recibir os avisos na app do movil.

As oportunidade que con isto se abren son innumerables. A persoa rexistrada pode dende o ordenador ou o movil descargar documentación, normativas, formularios para facer diferentes solicitudes, dirixirse o concello para poñer de relevancia calquera averia, deficiencia ou problema que detecte. E o concello pode a través desta plataforma informar a todos os ususarios e usuarias rexistrados das últimas novas, de calquera alerta que poida haber, incluso acotando o ambito xeografico. Por exemplo, podese avisar os veciños dunha rúa especifica que vai estar cortada en determinado momento, ou os veciños dunha parroquia concreta que vai haber tal charla, ou se van realizar tales obras en tales datas… E obviamente a ferramenta permite que a un veciño concreto se lle informe de calquera cuestión de xeito persoal, directo, e sobre todo instantaneo.

Para todo isto é primordial estar rexistrado. Por ese motivo dende aquí queremos animar os veciños e veciñas de Ribadumia a rexistrarse. É un tramite sinxelo, a través da pestaña superior da dereita.

Nas próximas semanas a plataforma seguira completando os seus contidos e a web terá dispoñibles o acceso en lingua castelan e na sección de turismo tamén o inglés. E seguiremos desenrolando estas ferramentas para axilizar a burocracia.