Na maña deste venres o equipo de goberno de Ribadumia tivo constancia polos medios de prensa  dunhas declaración de Salomé Peña onde acusaba o goberno de ter paralizado o plan concellos.

   E na mesma tarde  emitiu un comunicado aclarando unha serie de puntos sobre esta cuestión :

• O “plan concellos” é unha liña de subvencións da Deputación de Pontevedra a que poden acollerse os concellos. Gracias a boa  xestión feita dende este equipo de goberno materializouse finalmente  a aprobación de 432.000€, unha cantidade moi importante, repartida en catro liñas de actuación: gasto corrente (64.861,49€), Actividades culturais (16.215,37€),  emprego (97.292,23€) e investimentos (254.040,81€) .

• Destas catro liñas, nestes momentos unicamente falta por executar a liña de investimentos, para a cal hai prazo ata finais de marzo do ano 2017. As outras tres liñas están executadas ou en fase de execución. Convén recordarlle á señora Peña que o equipo de goberno actual é o responsable, e é quen decide cómo, cando e de que xeito   se xestionan estes investimentos.

• A liña de investimentos deste plan é un exemplo da xestión que este equipo de goberno está realizando dos fondos públicos, pois cando se xestionou a solicitude, deuselle preferencia a obras solicitadas polos propios veciños nas xuntanzas mantidas con eles a primeiros de ano, e non a intereses partidistas como lle houbera seguramente gustado ó Partido Popular .

• A señora Peña aporta datos incorrectos sobre as obras de investimento, pois ela enumera sete obras cando en realidade son seis as liñas solicitadas para diferentes obras de saneamento, redes pluviais, alumeados e muros de contención. A denominación e  as cantidades destas partidas ,dado que a señora Peña parece non estar ó día,  é a seguinte :

–  “obras de beirarrúas, rede pluviais, saneamento en Lois, Barrantes e Besomaño” (70.494,44€),

– “obras na rede de saneamento na parroquia Ribadumia”(61.946,44€),

– “obras na rede de saneamento da parroquia de Lois”(31.092,07€),

– “rede de alumeado en Ramirón- Lois e Puxafeita-Ribadumia”(20.174,63€), obras de aceras, alumeado e ampliación de vial na parroquia de Leiro”(50.185,96€),

– “obras de muros de contención e peche nas parroquias de Lois, Barrantes e Besomaño” (20.147,27€).

• A señora Peña minte descaradamente cando afirma que as obras do plan concellos foron aprobadas no mes de abril. A primeira das obras aprobouse con data do 23 de maio, mentres que as outras cinco aprobáronse unha o 25 de maio, outras dúas o 19 de setembro e a última o pasado 14 de outubro.

   Este equipo de goberno quere facerlle ver a señora Peña que contra o que ela e o seu equipo pretenden facer creer, nin o Partido Popular, nin moito menos Salomé Peña, son imprescindibles para conseguir investimentos para o concello. A realidade é que a día de hoxe Ribadumia esta investindo en obras para mellorar os servizos e a calidade de vida dos seus veciños  e veciñas, e unha parte importante deses investimentos procede de axudas xestionadas coas diferentes administracións, sen que o feito de ter un goberno distinto ó PP sexa un problema.

   Para o noso concelleiro no equipo de goberno, Enrique Oubiña, “Salomé Peña e o seu equipo están moi perdidos e moi alonxados da realidade de Ribadumia: resulta que nos conseguimos apoio da deputación por casi medio millon de euros (sen acudir a chequera de Louzan como facía o PP, quero decir, facendo as cousas ben) , que van repercutir en beneficio de todos os veciños,  e eles buscanlle a crítica… Ademais no PP están empeñados en crer que poden mandarlle calquera escrito á prensa e movelo nas redes sociais sen perigo de penitencia ningunha por moi cheo de falsedades e medias verdades que estea. Pero penso que xa está ben diso;  deben deixar de mentirlle os veciños e veciñas, deben deixar de usar os datos retorcendoos según lles conveña, deben deixar de tratar a cidadania como se fora parva, porque non o é. E deben poñerse dunha vez no sito que lle corresponde, que é a oposición, e traballar por defender o seu proxecto, para o caso de que teñan un.”

 

• Os traballos de limpeza estanse levando a cabo nesta semana.
• o equipo de goberno confiou os traballos a  BATA, unha entidade social.

   Despois de realizar os tramites pertinentes, e dun tempo de espera, a finais da pasada semana chegaba finalmente a autorización de Patrimonio para poder realizar dende o Concello de Ribadumia as tarefas de acondicionamento e limpeza do Monte do Castro, para poder manter así un dos atractivos turísticos de Ribadumia nas mellores condicións posibles.

A autorización de patrimonio era esencial para levar a cabo calquera actuación nesta localización e no seu entorno polo seu carácter protexido. Tal como explica Enrique Oubiña, concelleiro de obras e urbanismo, “a ley está para cumplirse, e os espazos como o Monte do Castro, de gran importancia, deben antes que nada protexerse. Nin nos nin moito menos o PP pode entrar  nun espazo como o Monte do Castro a realizar traballos de ningún tipo sen as pertinentes autorizacións. Levounos tempo, pero agora temos os permisos necesarios, e tamen a instrucción do que se pode facer ou non facer. Outros pretendian entrar como os cruzados en Xerusalen”.

   Para as tarefas de limpeza, que consisten en desbrozar toda a zona do castro  e sacar as malas herbas  da zona xa consolidada, o Concello de Ribadumia quixo contar cunha brigada de BATA. (Baion Asociación Tratamento Autismo) que estará toda esta semana desenvolvendo a súa labor no  Monte do Castro, e serán os encargados de que este entorno retome o seu atractivo. Para Enrique Oubiña “está non é a primeira vez que contamos con BATA para labores deste tipo, unha entidade coa que mantemos un convenio de colaboración que permite que persoas do concello con autismo poidan avanzar na sua integración social, e alegranos poder contar con eles nestas ocasións.”

Enrique Oubiña recorda que “dende o primeiro día, dende o equipo de goberno actuouse como se debe actuar, petando nas portas que corresponde petar, e seguindo os cauces legais correspondentes,  inda que supoñan un atraso para certas cousas.  Salomé Peña, antes de tentar movilizar os veciños e casi metelos nun problema  instandoos a actuar nun entorno protexido sen autorizacións nin instruccións  dos profesionais sobre como actuar, debería dirixirse as estancias superiores do seu partido e esixirlle explicacións  sobre o abandono ó que o Ministerio de Fomento condenou a varios xacementos arqueoloxicos, entre eles o do Monte do Castro.”

 

O Concello de Ribadumia acometeu durante o verán obras de mantemento no CPI Xulia Becerra Malvar, ademasi da correspondente desinfección e da posta a punto do novo comedor e aula para o plan madruga.

• As obras ,que se realizaron durante os meses de xulio e agosto, supuxeron unha inversión de 12.688,54€.
•  Nestas obras incluíronse melloras nos illamentos das ventás e cristaleiras, a reconstrución de dúas cubertas no acceso o colexio e varias reparacións interiores.

  

O concello de Ribadumia ven de acometer importantes obras de mantemento no CPI Xulia Becerra Malvar, un colexio con cincuenta anos de antigüidade ó que o equipo de goberno, responsable do mantemento da instalación, tenta manter nas mellores condicións posibles.

   As obras realizáronse logo de recoller as deficiencias detectadas polo equipo directivo do colexio, as que se lle sumaron algunhas mais que detectaron os técnicos municipais en varias visitas para comprobar o estado da instalación.

   Así, durante os meses de xullo e agosto procedeuse a reparación e substitución de varios elementos das carpinterías interiores e exteriores, substitución de vidros danados, á mellora do illamento da carpintería exterior, a reparación e pintado de diversas paredes e elementos construtivos, a solucionar problemas de sumidoiros, canalizacións,  goteiras diversas por pezas deterioradas nos tellados, e reconstruír dúas cubertas en dous dos accesos o colexio, que presentaban, ademais dun estado de conservación lamentable, defectos na súa construción que derivaban en problemas de humidades, que tamén foron solventados.

 A realización destas obras involucrou a traballadores municipais e a dúas empresas externas diferentes, unha metálica e outra de aluminios,  que obtiveron os correspondentes contratos debido a que presentaron ofertas mellores que o resto de empresas as que se lle pediu orzamento,  co cal foi posible ademais conseguir un importante aforro .

O custe total das obras ascendeu a 12.688, 54€.

Labouras de desinfección.

Ademais da obras arriba explicadas, na semana pasada a empresa de control de pragas procedeu a desratización, desparasitación e desinsectación do CPI e dos centros do CRA Ribadumienses. Hai que sinalar  que gracias ó contrato asinado polo equipo de goberno con esta empresa, labouras como esta  teñen un custe mais asumible, pois van integradas no contrato global asinado, e non é preciso facer unha contratación especifica e mais cara.

Inicio do novo curso co novo comedor en marcha.

   Ademais, o mesmo tempo que daba comezo o novo curso, puxeronse en funcionamento as novas intalacións do edificio reformado do ximnasio. Así, os nenos xa poden desfrutar da nova aula para o plan madruga, o novo ximnasio  e do novo espazo de comedor.

  Con todas estas actuacións, ás que hai que añadirlle as obras de mantemento que se están levando a cabo nos CRAs e a solicitude a Xunta de Galicia da inclusión nunha liña de axudas para a gardería,  da que se  deu conta no pasado pleno municipal,  o equipo de goberno está demostrando o seu claro compromiso cara a comunidade educativa e a súa vontade de solucionar todos os problemas que poidan ter.

Para Enrique Oubiña “a maioria dos diferentes edificios escolares son moi vellos, e todos eles presentaban deficiencias no seu coidado, que pouco a pouco estamos solucionando, en colaboración cos diferentes equipos directivos, tanto no colexio, como nos CRAs como na garderia municipal;  en todos eles recollemos a finais de curso pasado cales eran as carencias que habeía que solventar. E  así se está facendo, pois a  nosa intención é  tentar que as instalacións estean nas mellores condicións posibles, no presente e tamén no futuro, por ese motivo cada obra que acometemos a estudamos moi ben antes. Queremos evitar na medida do posible os tipicos “parches” temporais.”

 

  No pleno do pasado mercores acordouse, coa  oposición do PP, mudar o fogar dos maiores para darlle un novo pulo.

Tal como explicou Enrique Oubiña, concelleiro de terceira idade, no pleno,  “o denominado “fogar dos maiores” inaugurouse no ano 2011, ano electoral, e foi vendido ós veciños como un centro de día, cando en realidade non é esa  a súa función, nin pode selo, pois non conta nin coas instalacións nin co persoal necesario.  Sen embargo, o plantexamento do Partido Popular aproximaba este centro a esa idea, incluíndo unhas taxas moi elevadas en relación os servizos que ofrece.”

  Nun comunicado emitido polo equipo de goberno, explicase que  logo de chegar o Concello, realizouse un estudo de uso, gastos/ingresos e actividades que se realizan nesta instalación, cuxos datos expuso o concelleiro Oubiña na súa intervención:

• a  día de hoxe fan uso deste servizo 8 persoas, pero  no momento de máxima participación, no ano 2012, solo había 13  usuarios.
• o custe anual de mantemento das instalación do fogar dos maiores, cunha profesional a tempo parcial, é de 18.714,99€. Hai que ter en conta que todos os usuarios teñen contratada media xornada. Polo que se fora necesario abrir a instalación a xornada completa, o custe de mantemento subiría ata case os 25.000€, solo en custes de persoal.
• Os ingresos  estimados para este 2016 son 5.660€, dos cales 2040€  aportariaos unha única persoa, que paga 170€/mes por acceder á instalación media xornada.
• a pesares de existir unha exención total para as pensións mínimas,  ningún dos veciños que poderían beneficiarse do uso destas instalacións fai uso delas.
• servizo que se está dando a día de hoxe é tamén mínimo, e moi centrado nas poucas persoas que acoden o fogar dos maiores, que ademais teñen idades moi elevadas.

A pesares disto, explicou tamén Oubiña , durante estes anos non se constatou ningún esforzo por dinamizar este servizo,  alonxalo da imaxe negativa  que os centros de día teñen e que influe moito na imaxe deste centro, e facelo inclusivo para todos os veciños e veciñas que xa chegaron a certa idade.

  Tamén se aportaron  datos poboacionais.

• En Ribadumia temos 1.527 persoas con 55 anos ou mais, case o 30€ da poboación.
• Destes, 496 teñen entre 55 e 65 anos, e 490 están entre os 65 e os 75.

  As tres forzas qeu conformamos o equipo de goberno entendemos  que un concello cunha poboación tan alta de persoas que superan os 55 anos,  que ten un millar de veciños entre os 55 e os75 anos, e outro medio millar por riba desta idade, debe aportar iniciativas que favorezan a actividade e interrelación deste sector da poboación.

  Por todo isto, propúxoselle ó pleno  realizar un cambio profundo no formato do fogar dos maiores, e darlle un aire mais de centro social que de centro de día.

No acordo tomado estableuse unha taxa de 10€ anuais (a media era de 60€/mes).  Eses 10€ darán acceso a instalación do fogar de maiores, onde poderán, como en calquera local social, ler a prensa, xogar a xogos de mesa, e facer uso de todo o que dispoñan as instalacións. Tamén poderán acceder sen mais custo a unha das actividades que se organicen o longo do ano, actividade que o equipo de goberno escollera entre as que teñan mais demanda.

Para o resto de actividades, saidas culturais, etc que se organicen, en cada o momento o equipo de goberno decidirá o custe para socios e non socios. O obxectivo é poder incluír actividades que sexan gratuitas  ou cun custe reducido para os socios.

E para os veciños que non sexan socios, ou para veciños doutros concellos, tampouco se limita o acceso as actividades nas que haxa prazas dispoñibles, solo que obviamente o prezo de cada actividade será superior, e non haberá actividades a custe cero.

 E para que os nosos maiores se animen a participar, a taxa farase efectiva logo dos seis meses de uso, tempo durante o cal as persoas que se fagan socias poderán participar das actividades e de todo canto se organice.

  Outro cambio con respecto o formato actual, e que se amplia a idade de acceso ata os pensionistas maiores de 55 anos. Ademais, as parellas dos socios poderan tamen acudir sen necesidade de cumprir os requisitos de idade ou de ser pensionistas.

  outra mellora no servizo atingue as persoas consideradas “non validas”. Tal como explicou o concelleiro Oubiña , ata o de agora o fogar dos maiores solo era permitido as persoas “validas”, ou sexa, que se valeran por si mesmas e  non necesitaran do apoio de outra persoa. Agora as persoas que non poidan considerarse validas, poderán acceder igualmente as instalacións e actividades, pero deberán acompañarse doutra persoa.

Hai que puntualizar que as actividades con carácter gratuito que se viñan realizando para a terceira idade, ximnasia de maiores e taller de memoria, vai manterse ó marxe das actividades do fogar dos maiores, e manterá a súa gratuidade.

Por outra banda, as 8 persoas que actualmente fan uso do fogar dos maiores van poder seguir asistindo con total normalidade, e solo terán que facer un novo rexistro, pois o actual ficará vencido o aprobar o novo documento, anque por suposto deberan rexirse pola norma nova.

Enrique Oubiña explicou ó remate do pleno que “a partir deste punto poñemos en marcha un novo formato de “fogar dos maiores”, que ademais de supor un custo moito mais reducido para os ususarios, que pasaran de pagar 700€ ó ano de media a solo 10€, aposta pola vida activa, pola diversidade nas actividades que se lle ofrece ós nosos maiores,  e pola integración das persoas que co paso dos anos e os achaques moitos xa queren relegar a un segundo plano. En resumo, este equipo de goberno quere  darlle valor a un sector da nosa sociedade moi importante, e que se merece unha atención moito mellor da que se lle estaba dando. O partido Popular negouse a apoiar esta proposta, supoño que para eles o fogar dos maioes estaba ben como estaba. E iso di moito dese partido e do interes que ten polos nosos veciños e veciñas”.