• A súa referencia ó machismo institucional e as prácticas fascistas de alcaldes como o de Vilanova de Arousa levou á mesa de debate a modificar a declaración institucional, para incluir a loita contra o machismo e a defensa dos dereitos das mulleres como parte das medidas de loita contra o fascismo.
• A súa intervención, explicando a realidade salarial do noso concello, e a necesidade de implementar políticas efectivas que axusten os salarios co nivel de vida e regulen o acceso á vivenda e os servizos básicos levouse un dos maiores aplausos da xornada.

 A presencia de Enrique Oubiña nas  xornadas  da Rede Europea de Autoridades Locais Progresistas (Realpe), promovida polo Grupo Confederal da Esquerda Unitaria Europea/Esquerda Verde Nórdica (GUE/NGL), e onde participou xunto a varios representantes da política municipal de 14 países europeos, e varios europarlamentarios non pasou inadvertida.

   Tampouco pasaron inadvertidas as súas ponencias. Expuxo  a realidade da nosa comarca no referente o fascismo onde, sen ter partidos denominados de ultradereita, convivimos con cargos institucionais que usan tácticas fascistas e machistas de xeito habitual, facendo mención expresa  ó caso do alcalde de Vilanova de Arousa, tristemente coñecido polos seus habituais ataques verbais a concelleiros da oposición, pero máis duramente a concelleiras, así como insultos graves  de corte machista como os proferidos contra a presidenta da Deputación de Pontevedra. Unha exposición , no tramo final das xornadas, que  provocou que a presidenta da mesa, a Eurodeputada Marie-Christine Vergiat do Front de Gauche de Francia, pedira a palabra para modificar a declaración institucional do Grupo Parlamentario Europeo, e se incluíra o acordo explícito de apoiar a loita contra o machismo e defensa dos dereitos das mulleres, como parte das medidas de loita contra o fascismo no “Acordo por unha Fronte Europea Antifascista” e que foi aprobado por aclamación.

Antes diso, Oubiña expuxo, na súa ponencia central, de forma moi esclarecedora a realidade á que se enfrontan moitos dos nosos veciños e, especialmente, das nosas veciñas, debido á precariedade salarial imperante, e os problemas que acarrexa  en varios ambitos, pero facendo especial fincapé nas problemáticas sociais e económicas, dando claras mostras do seu alto  nivel político, que para os que formamos parte de Somos Ribadumia supón un orgullo.

 O noso concelleiro aproveitou as xornadas para coñecer outras realidades europeas, así como as problemáticas e medidas para enfrontalas  que  se están levando a cabo noutros países, unha experiencia sobre á que á súa chegada expresou que foi “moi enriquecedora e necesaria. Saír do noso ambiente natural permítenos coller conciencia  da nosa realidade dende a distancia. Coñecer a persoas do calado da escritora iraní Nazanin Armanian , ou do chipriota Stavros Yerolatsites, por nomear algunhas das persoas coas que compartimos impresións e conversas, que teñen ó seu lombo experiencias duras e difíciles, pero seguen sendo valentes activistas a pesares das dificultades, resulta impactante, pero sobre todo permite aprender moito da vida e da política”.

     Tamén o resto de participantes do Salnés (Xurxo Charlín de Somos Cambados e Elena Cores e Conchi Rodriguez de Gañemos Vilanova) fixeron aportacións positivas recollidas nos documentos finais en relación á necesidade de rehabilitación das vivendas existentes para crear un parque de vivenda pública e de calidade en toda Europa, a implantación dunha lexislación vinculante contra a especulación financeira e a evasión fiscal, incluíndo os “Fondos Buitres” propietarios destas vivendas, e a necesidade da construción dunha verdadeira diversidade social para mellorar a calidade de vida das persoas maiores, que están forzadas a vivir soas ao non contar con prazas en centros públicos para o coidado da terceira idade.

Deixamosvos aqui os enlaces os videos das intervencións de Enrique Oubiña:

 

 

 

 

 

 

 

 

•  Enrique Oubiña participará como ponente nun dos paneis de debate, onde falará, partindo da situación no noso concello, da importancia de loitar por uns salarios dignos que permitan unha vida digna para todas as persoas en calquera punto da UE.
• O Encontro anual da Rede Europea de Autoridades Locais Progresistas (REALPE) contará, gracias á euredeputada galega Lidia Senra, con presencia de representantes das mareas municipais do Salnés e do resto de Galicia.

 

   Enrique Oubiña será un dos ponentes nunha das mesas de debate que terán lugar este xoves e venres no parlamento europeo en Bruxelas, no Encontro anual da Rede Europea de Autoridades Locais Progresistas (REALPE)  Será un dos dous únicos ponentes galegos nunhas mesas de debates onde tamén participaran como convidadas, case trinta representantes de diferentes plataformas municipalistas galegas, convidadas pola eurodeputada galega Lidia Senra. Oubiña xa participara o ano pasado como convidado, pero o feito de que o equipo de Lidia Senra lle propuxera ser ponente nunha das mesas “supon un orgullo enorme. Gracias a esa oportunidade  poderei mostrar ó resto de paises participantes a realidade do noso concello e do noso país, e debater con eles sobre un dos máis graves problemas aos que nos enfrontamos hoxe en día: a precariedade laboral, e a necesidade de que as leis europeas camiñen cara a unha regulación que non permita que unha persoa que traballe teña un salario tan baixos que non poida  nin chegar a fin de mes.”

   Oubiña formará parte dunha comitiva de case unha trintena de representantes da política municipal galega, que inclue a varios representantes de Somos Cambados e de Gañemos Vilanova,  nunha visita promovida pola eurodeputada galega, membro do Grupo Confederal da Esquerda Unitaria Europea/Esquerda Verde Nórdica (GUE/NGL), Lídia Senra, para participar no Encontro anual da Rede Europea de Autoridades Locais Progresistas, organizado polo propio GUE/NGL. Alcaldes, concelleiros/as e persoas con responsabilidades relacionadas co eido local de diferentes puntos da Unión Europea reuniranse nas xornadas en Bruxelas o xoves e o venres para intercambiar experiencias e análises baixo o título de ‘Vivenda, progreso social e derrota ao fascismo. Comunidades locais para outra Europa’.

Cartel Realpe 2019

   Concretamente, na delegación galega participarán os alcades de Salceda de Caselas, A Pobra do Caramiñal e Manzaneda, Marcos Besada, Xosé Lois Piñeiro e Félix Domínguez, respectivamente, así como o tenente de alcalde de Ribadumia, Enrique Oubiña; o concelleiro de Economía e Facenda de Cambados, Xurxo Charlín; a concelleira de Salceda de Medio Ambiente, Deportes, Xuventude, Voluntariado, Participación cidadá e Novas Tecnoloxías, Carla Pérez; o concelleiro de Benestar, Igualdade e Participación Veciñal en Teo, Ignacio Iglesias Villar; a concelleira das Pontes María Chao, os de Xunqueira de Ambía Sonia Vidal e Eladi Cid; a de Vilanova de Arousa Elena Cores; a de Lugo Cristina Pérez Herráiz; os de Arbo Manuel Álvarez e Baltasar Vallejo; a de Pontevedra María del Carmen Moreira; o de Trives Jorge Vázquez; ou o do Courel Óscar Carrete. Tamén viaxarán o voceiro de En Marea Ponte Caldelas, Rodrigo Márquez; a membro da Coordinadora da Marea de Noia, Consuelo Martínez; o ex tenente de alcalde de Corcubión Alfredo González; os membros da Coordinadora de Alternativa Canguesa de Esquerdas, Andrea Martínez e Xurxo González; a membro da Comisión de Garantías de En Marea e responsable da secretaría de Coordinación de Gañemos Vilanova, Concepción Rodríguez; o coordinador local de Sarria En Marea, Iván López; a coordinadora de Municipalismo e extensión territorial de En Marea, coordinadora tamén do grupo municipal de Ames Novo, Ana Seijas; a membro de Son de Trives Ana García; a ex concelleira de Vivenda de Ourense, Iolanda Pérez; e o deputado de En Marea no Parlamento Galego Davide Rodríguez Estévez.

   No programa do Encontro, haberá varios paneis de debate e coloquios. O primeiro deles terá lugar o xoves pola tarde, e estará centrado en ‘Vivenda social e especulación’. Nel intervirá a edil das Pontes María Chao, que explicará a situación que se vive na Galiza, apostando por defender o acceso a unha vivenda digna para todas as persoas como un dereito humano. Chao falará sobre as zonas que máis padecen a especulación urbanística e apostará polo ordenamento do territorio, a rehabilitación, e a implantación de políticas de vivenda e alugueiro público como saída. O panel será introducido pola eurodeputada do GUE/NGL e membro do Die Linke alemán Martina Michels e nel participarán ademais de María Chao, o belga Françoise Desmedt; o candidato a alcalde de Atenas Nasos Iliopoulos; a membro do Parlamento de Berlín Katalin Gennburg; o concelleiro francés en Bobigny José Moury; a concelleira sueca en Malmö, Emma-Lina Johansson; o irlandés Mark Ward; e a activista da Plataforma de Afectados polas Hipotecas e contra os Fondos Boitre no Estado español Mercedes Revuelta. A eurodeputada sueca do Left Party Malin Björk e a irlandesa do Sinn Féin Lynn Boylan encargaranse de moderar o debate e realizar as conclusións dese día.

  Xa o venres pola mañá, desenvolverase un panel sobre ‘Facéndolle fronte ás desigualdades e propagación do fascismo en toda Europa, a visión progresista das nosas comunidades locais’. Nel está previsto que dous concelleiros galegos realicen exposicións. Un será o edil de Teo Ignacio Iglesias, que se centrará en explicar e denunciar a situación que se está a vivir no seu concello a raíz do proxecto de instalar unha planta de tratamento de residuos na antiga canteira de Casalonga, a costa do medio ambiente, da saúde e da calidade de vida das persoas e o papel que está a xogar o ente municipal e a mobilización social e veciñal. O outro galego será o tenente de alcalde de Ribadumia Enrique Oubiña, que realizará unha intervención centrada na importancia de loitar por uns salarios dignos que permitan unha vida digna para todas as persoas en calquera punto da UE. O eurodeputado grego de Syriza Dimitris Papadimoulis introducirá este panel, no que tamén participarán o concelleiro de Palermo Giusto Catania; a candidata a alcalde en Salónica Katerina Notopoulou; a escritora contra a extrema dereita Nazanin Armanian; e o membro do AKEL chipriota Stavros Yerolatsites. A eurodeputada francesa de Front de Gauche, Marie-Christine Vergiat, moderará o debate e a eurodeputada asturiana Ángela Vallina realizará as conclusións deste panel, para despois ser a galega Lídia Senra quen se encargue de facer as conclusións xerais de todo o encontro de REALPE deste ano.

 

• Compartimos a opinión do equipo de goberno de que a reunión coa xerencia do EOXI foi positiva, pero entendemos que os compromisos asumidos por esta son solo parches temporais.
• Esiximos responsabilidades políticas e un cambio na liña de actuación do SERGAS.
• Animamos a nosa veciñanza a participar na manifestación convocada en Santiago o próximo domingo día 10 de febreiro.

  No pleno celebrado o pasado xoves saíu adiante unha moción, co voto en contra do Partido Popular, onde entre outras cousas se pedían, tal como habiamos proposto dende Somos Ribadumia xa a mediados de agosto,  as dimisións dos diferentes responsables do EOXI Pontevedra-Salnés e do Sergas  e do conselleiro de sanidade. Dende Somos Ribadumia valoramos como positivo o acordo, pois entendemos que o que esta acontecendo coa sanidade, tanto no noso concello como no resto de Galicia, é totalmente inadmisible.

   Con respecto á xuntanza mantida coa xerencia do EOXI, consideramos que non chega con poñer escusas e usar verbas mais ou menos bonitas, nin con asumir compromisos plantexados en termos de “tentar evitar” situacións pasadas ou “ter en conta” determinados concellos. En primeiro lugar por que aquí non se está pedindo un trato de favor, se non ter o servizo de atención primaria e pediatría  cos parámetros de calidade que nos corresponde por dereito, tanto ó noso concello, como ó concello de A Illa, como a calquera outro concello. Tampouco nos valen as escusas postas sobre os problemas de contratación, pois precisamente eses son os problema que tanto a xerencia dos EOXIs como do Sergas como a Consellería de Sanidade deben resolver.

  Ademais, tal como recordou Enrique Oubiña no pleno, “xa o xerente do EOXI asumiu compromisos similares no 2017, pero despois a realidade foi outra, o cal demostra que a palabra da xerencia do EOXI vale ben pouco, e fainos pensar que en canto chegue o próximo verán, se antes non hai ningunha baixa entre as facultativas, imos volver ter o mesmo problema, un problema que pon en perigo a vida das nosas veciñas e veciños.”

 Por outra banda, dende Somos Ribadumia animamos a nosa veciñanza a sumarse a manifestación que terá lugar en Santiago o próximo domingo dia 10. Ademais o goberno local a través da concelleira de sanidade disporá de autobuses para facilitar o transporte de todas as persoas que desexen participar. Para Enrique Oubiña, “ nunha situación de maioría absoluta, e sen eleccións autonómicas á vista, a única maneira de que o PP mude a súa liña de actuación e nos devolva o servizo que nos esta arrebatando a  cachiños, é a presión cidadá. E nesta loita nos imos seguir estando ó lado da xente. Coa sanidade xogámonos a saúde e a vida.”

   Esta mañá tivo lugar unha rolda de prensa conxunta dos Concellos de Ribadumia, e A Illa, que contou ademais coa presenza dunha das facultativas do centro de saúde, para anunciar medidas de protesta ante a situación inadmisible que está pasando a consulta de pediatria dos dous concellos, que dende fai anos comparten un único facultativo, que causou baixa fai mes e medio sen que o SERGAS fora quen ata o de agora de aportar unha solución permanente.

  O desbaraxuste co pediatra, que obriga as nais e pais do noso concello a desprazarse a Cambados e, en moitos casos, a dirixirse directamente a urxencias para poder conseguir unha atención minimamente adecuada, sumase á situación xa delicada que atravesa o noso centro de saude, pois dende o verán non se cubren as baixas ou vacacións dos facultativos, provocando cando estas circunstancias se dan que a facultativa que queda sature a súa consulta, con evidentes e longos atrasos nas citas, ademais de ter que deixar o centro desaúde sen atención cando xorde unha urxencia. EN palabras da propia facultativa “vamos capeando, e de momento non pasou nada, que a situación é dificil”.

  Na rolda de prensa tamén estivo presente un grupo de nais e pais que compartiron cos cargos públicos presentes a situación a que se enfrontan cos seus nenos, con cuestións inaprazables como os calendarios de vacinas, que non se sabe como se van resolver.

   A intención dos dous gobernos e poñer en marcha unha recollida de sinaturas para que a nosa veciñanza poida sumarse a unha protesta colectiva que pretenden presentar ante o conselleiro de sanidade, o que lle van solicitar conxuntamente unha reunión para falar destes temas.

 As veciñas e veciños que queiran aportar a súa sinatura e sumarse así a estas protestas, terán nos próximos días as follas para asinar nos centros de saúde dos dous concellos,  farmacias e instalacións municipais.

  Tal como expoñia  Enrique Oubiña ,“imos facer toda a forza que sexa necesaria, e agardo que o Conselleiro se digne a reunirse con nos e nos ofreza algo máis que as escusas que leva meses ofrecendo ante a grave situación da sanidade galega. Pero en Somos Ribadumia non somos ilusos, nin temos demasiada confianza, pois toda esta situación, que non é nova, e que se esta repetindo en  centos de centros de saúde en toda Galicia, obedece a unha instrución superior e a unha liña política orientada a desarticular a sanidade pública”.

   Por ese motivo, dende Somos Ribadumia animamos a toda a veciñanza a participar de todas as iniciativas que se tomen en defensa da nosa sanidade e en concreto do correcto funcionamento do noso centro de saúde. A movilización cidadá é clave para conseguir que o PP mude o rumbo de actuación.

   Pola nosa banda, estamos dispostos a chegar onde sexa preciso  e esixir as responsabilidade políticas que sexan necesarias, como levamos demostrando tempo. No seu momento xa trasladamos ós nosos socios de goberno unha moción elaborada en conxunto con outras mareas da comarca esixindo solucións e responsbilidades, que en breve irá a pleno, e participamos en diferentes actos de denuncia e protesta, o último fai unhas semanas en Cambados, e imos a seguir nesa liña, para o que contamos ademais co apoio do grupo parlamentar de En Marea.