• Enrique Oubiña foi o claro vencedor dun debate onde a ausencia dun proxecto claro do resto de candidatos evidenciou a súa falta de compromiso co concello.
• Os outros candidatos, salvo o de IR, chegaron a felicitar a Oubiña polo seu traballo durante este mandato e a mostrarse dispostos a apoiar varias das súas propostas.
• Garantir e ampliar as políticas sociais, fomentar a contratación e a creación de empresas e rehumanizar o núcleo de Barrantes e os espazos públicos no rural, pezas clave do programa de Somos Ribadumia.

O debate do Canal Rias Baixas emitiuse na noite deste pasado xoves, co obxectivo de coñecer os diferentes proxectos das forzas que se presentan as próximas eleccións municipais (coa excepción do BNG, que no día a grabación nin siquera tiña anunciado candidato).

Foi un debate que, polo seu formato, con tempos moi reducidos de exposición, non permitiu moita confrontación de ideas. A pesar disto puidemos ver a un candidato do PP que optou pola altivez e certa falta de respecto cara os seus compañeiros, interrompendo de xeito reiterado, e vendendo propostas sen concretar, algunhas fora da realidade do concello e outras que nin siquera poden ser levadas a cabo dende o propio concello, tanto que nalgun momento chegou a admitir que algunha das súas propias propostas “era fume”. O candidato popular foi, con todo o único contrapunto ao papel desenvolto polo noso candidato, Enrique Oubiña, que mostrou claramente as liñas principais do noso proxecto, conciso e elaborado, ademais de corrixir o candidato popular nalgunha ocasión. Os outros dous candidatos mantiveron un perfil máis baixo, máis positivista, anque se moitas propostas, o candidato socialista e totalmente plano o candidato de IR, que se centrou moito en falar do traballo feito, pero non aportou propostas concretas ou de futuro, salvo no caso da reordenación do nucleo de Barrantes, onde se puxeron enriba da mesa as dúas diferentes propostas, de IR por un lado e de Somos Ribadumia polo outro.

O noso candidato deixou moi claro que o noso proxecto de concello vai moito máis alo da propsota de IR de mover o pabillón e trasladar a parada dos buses do colexio para a porta da gardería municipal cos problemas de seguridade viaria que eso podería provocar, e que vai supoñer un avance significativo na calidade de vida da nosa veciñanza, apostando por unha rehumanización completa de todo o núcleo, solucionar os problemas de trafico, de rúas como a do DIA, e trasladando o campo de futbol para ganar ese espazo e poder dispoñer de prazas aparcadoiro, un centro social, unha nova escola de música, un patio cuberto e unha darsena de autobuses segura para o colexio, e un amplo espazo verde.

O debate deu para moito máis ,e Enrique Oubiña mostrou varias das nosas propostas en outras áreas, como a de política social, onde xa demostramos un gran traballo, ou en transparencia, revitalización das nosas parroquias, etc.

En resumo, quedou bastante claro quen quere voltar a un pasado recente de politicas para os amigos e quenes se conforman con seguir como están, fronte a Somos Ribadumia, que quere avanzar en facer un concello mais aberto, ao servizo da veciñanza, máis democrático e igualitario, e cun proxecto claro de futuro.

Sen dúbida, este tipo de debates sirven para achegarnos algo máis aos nosos candidatos, e para que poidamos comprobar a súa calidade política. .

Deixamosvos un video resumo da intervención de Enrique Oubiña, e o enlace ao debate completo.

• A candidatura formada por 8 homes e 8 mulleres, renóvase en mais dun 50% con respecto a fai 4 anos, e destaca pola implicación de persoas xovenes na conformación da mesma.

  Somos Ribadumia rexistrou na Xunta Electoral a candidatura coa que concorrerá as próximas eleccións municipais no Concello de Ribadumia.  Como xa se publicara está encabezada por Enrique Oubiña, actual Concelleiro e tenente-alcalde do Concello de Ribadumia, responsable das áreas de Servizos Sociais, Igualdade, Obras e Urbanismo.

   A candidatura está composta por 16 membros (13 titulares e 3 suplentes), 8 homes e 8 mulleres e renovase en máis dun 50% con respecto a fai 4 anos (9 novas incorporacións), para dar entrada a persoas que comenzaron a colaborar con SOMOS RIBADUMIA nestes últimos tempos e veñen a aportar máis ilusión e gañas de traballar para facer entre todos un Concello mellor para vivir.

   Queremos descatar tamén a implicación de persoas xovenes, estudantes e emprendedoras, que representan moi ben o espírito de Somos Ribadumia e o que vai seguir a ser unha das nosas prioridades na acción política:  a atención aos xóvenes, en materia de emprego, de axudas para o estudo, para o emprendemento, acceso a vivenda, tamén para atender ao seu ocio, etc.…

   No número 2 repite Fernando Ruiz Padín, veciño de Ribadumia, unha das persoas fundadoras de Somos Ribadumia e fundamental no desenvolvemento deste proxecto político.   No número 3 vai María Soledad Cores Padín (Sole), veciña de Couto de Arriba – Barrantes e moi implicada en asociacións culturais e veciñais como Pe de Cuba ou Teatro Alecrín. Tamén destaca a súa implicación social, e vicepresidenta da Asociación ESMAR de axuda a vítimas de violencia de xénero. Para Somos Ribadumia é un orgullo que persoas como Soledad acepten ir na nosa Candidatura e nos representen no Concello.

  No número 4 vai outra das novas incorporacións, Lorena Rodríguez Cores, veciña de Sisán e traballadora da Hostalería.  Muller e loitadora e unha das persoas que veu nos últimos tempos a aportar a súa ilusión e enerxía a Somos Ribadumia.

   No número 5 repite Ricardo Fontán Deza, outro dos colaboradores habituais de Somos Ribadumia, traballador da Sanidade e colaborador das Plataformas en defensa da Sanidade Pública.

   Nos números 6 e 7 dúas mulleres xóvenes, Marta Rey Gómez e Nerea Eiras Torres, exemplos de estudantes e emprendedoras. Savia nova que axudarán a que o Concello de Ribadumia se preocupe máis aínda polas políticas en favor da xuventude.

  Completan a candidatura Roberto Abal Piñeiro (8); Jenifer Rúiz Padín (9); Alfredo Señorans Vázquez (10); María Rosa Vietes Ribadomar (11);  Carlos Costa Otero (12) e María José Rivas Otero (13).   Como suplentes figuran Agustín Martínez Vieites, Eva Peña Lorenzo e Xose Manuel Casais Alfonsín

Todos e todas elas, conxuntamente cos demais colaboradores e colaboradoras de Somos Ribadumia conforman un equipo que se presenta diante dos veciños co aval do traballo feito nestes catro anos no goberno e tamén como o único garante de que non haxa “pasos atras”, e que non volten determinados xeitos de facer política baseados no amiguismo.

 Somos Ribadumia presentamos un equipo preparado para gobernar o concello, pois ese é o noso obxectivo. 

• Aprobouse por consenso un programa de goberno con 53 medidas, centradas maiormente na política social e no desenvolvemento urbanístico do concello.
• Tamén se aprobaron os nomes para a lista electora, concretando a primeira metade, que se completará nos próximos días.

   Na tarde do domingo  celebramos  unha asemblea aberta co obxectivo de definir o proxecto político que marcara a nosa  liña de actuación na próxima lexislatura e o equipo de persoas que acompañarán a Enrique Oubiña  representando a  Somos Ribadumia nas próximas eleccións.

  O longo da xuntanza, Oubiña e varias das nosas compañeiras expuxeron a proposta de programa de goberno, composto por 53 medidas reunidas ó redor de seis obxectivos: impulso ás políticas sociais e de integración, asentar  poboación no concello, mellora da participación e integración veciñal no desenvolvemento do noso concello, dignificación do traballo político, aumento da calidade de vida en aspectos sociais e medioambientais , e mellora na calidade turística.

 Destacan no social manter un mínimo do 10% do orzamento para políticas sociais, afondando nas liñas postas en marcha nesta lexislatura, así como a implantación de liñas de axuda que favorezan a integración. Outras medidas estarán orientadas a reforzar a loita contra o paro.

  Por outra banda  aprobouse a aposta decidida pola humanización de todo o centro de Barrantes, cun desenvolvemento a medio prazo que permita o traslado do campo de fútbol, recuperando ese espazo para a cidadanía, solucionando o problema de falta de espazo do colexio, e coa construción dos equipamentos necesarios para dar cabida a nova escola de música, o local de ensaio, e locais asemade para diferentes colectivos, como a ANPA, ou outras asociacións que os precisen.

  Tamén se propuxeron solucións para algunhas rúas de Barrantes e a unificación dese núcleo con Santa Baia, para favorecer a circulación das persoas a pé ou en bicicleta entre o centro e o auditorio, campo de A senra, o centro de saúde, fogar dos maiores, biblioteca e piscina municipal.

  E tamén se acordaron medidas para dar un impulso o comercio local, ou  a recuperar a vida no rural a través de medidas especificas en todos os ámbitos, dende o rubanístico poñendo en valor os bens patrimoniais do Concello o social e laboral, favorecendo iniciativas que xeren emprego e fixen poboación.

O programa completo publicarase nos próximos dias na web de Somos Ribadumia.

  Por outra banda, aprobáronse os nomes para conformar a lista electoral. Poren, a asemblea decidiu pechar solo a primeira metade, deixándolle á Comisión Executiva a responsabilidade de concretar o resto de postos nos próximos días, pois ademais dos presentados na asemblea estase falando con máis persoas  e inda se deben pechar  nomes, postos, e orde, atendendo as necesidades de paridade. En calquera caso a aposta de Somos Ribadumia é totalmente transversal, e favorecerá a participación feminina, que copa catro postos dos sete primeiros. A configuración deste primeiro tramo queda do seguinte xeito: Enrique Oubiña, Fernado Ruiz, Soledad Cores, Lorena Rodriguez, Ricardo Fontán, Nerea Eiras e Marta Rey. 

Está amortizada a lexislatura?

Dende logo a dous meses vista pouco máis se pode facer no político, e menos ainda sen caer no electoralismo. As liñas de acción están marcadas, a maioría obras previstas a principio de lexislatura e que faltaban por realizar están en marcha, e noutros ámbitos penso que en xeral Somos Ribadumia conseguimos os obxectivos marcados.

Cumpriu entón Somos Ribadumia?

Eu penso que en conxunto , tendo en conta con quen gobernamos, os obxectivos cos que chegamos ó Concello, e como encontramos a casa ó entrar, cumprimos bastante ben. Nós falabamos de aumentar as políticas sociais e fixémolo, tanto que agora somos referentes; falabamos de investir en programas de loita contra o paro e fixémolo; decíamos que había que apoiar as novas empresas e fixémolo; Tamén falamos de mellorar cuestións como a transparencia, e aí están a web e a aplicación do concello como exemplo a seguir por outros concellos, ou as xuntanzas parroquiais.

Pero quedaron cousas no tinteiro…

Si, efectivamente. Pero hai que ter en conta que algunhas cuestións son complexas de xestionar e levan tempo, ou precisan do visto bo doutras administracións, ademais de que ó non gobernar nós solos temos que ser flexibles e ceder nunhas cousas para poder avanzar noutras. Somos conscientes de que quedan cousas atras que se puideron ter feito nesta lexislatura, como a necesaria apertura da rúa do DIA, por poñer un exemplo evidente, pero en Somos Ribadumia temos claro que na próxima lexislatura as cousas van ir a outro ritmo.

Cales son os próximos pasos de Somos Ribadumia ante as eleccións municipais?

Conformar a lista coa que nos presentaremos e elaborar o programa de goberno que defina as liñas de traballo dos próximos catro anos.
Dúas cuestións que temos moi avanzadas.

Xa tedes entón a lista electoral?

Temos unha proposta. Pero a lista definitiva deberá aprobala a asemblea este próximo domingo, pois nós a diferencia doutros partidos non nomeamos postos á dedo. De momento está todo aberto e aínda pode haber cambios.

Podes avanzar algo sobre esa proposta?

A lista sen dubida recollerá a esencia do que é Somos Ribadumia. A idea que temos na Comisión Executiva, que pensamos que encaixa co espiritu co que nacemos, é a de configurar unha lista transversal en todos os aspectos. Por eso cremos que deben incluirse a persoas que, procedendo doutros pensamentos políticos, se sintan comodas co noso proxecto e coa nosa maneira de traballar; tamén será positivo contar con persoas que se movan en colectivos sociais, e tamén con outras que non veñan de ningures pero queiran aportar, pois as ideas frescas de persoas alleas á política son moi necesarias.

Vai ser un programa continuista?

Non. Esta lexislatura estivo marcada polo cambio de goberno e unha certa cantidade de axustes que había que facer. Dende o 2015 mudaron as formas de gobernar, e de xestionar o que é de todos, arranxaronse os desbaraxustes que nos deixou o goberno anterior, e ademais avanzouse en moitas cousas. Agora toca dar un paso adiante e colocar Ribadumia nun nivel superior como concello.

Haberá propostas novidosas?

A política social vai seguir sendo o centro. Pero queremos construir un concello onde haxa traballo, e onde dea gusto vivir e que atraia a novas familias a asentarse aquí, e iso require dar pasos de xigante, e resolver con valentía problemas complexos.

Unha aposta importante neste sentido vai ser a de humanizar todo o centro de barrantes, o cal inclúe entre outras cousas, o traslado do campo de futbol do Umia para ganar todo ese espazo para a xente e resolver os problemas do colexio, e a falta de espazo para entidades como a ANPA ou a Escola de Música. Hai que seguir mellorando a calidade de vida nas parroquias e dende logo temos que solventar dunha vez o problema de falta de terreo industrial, para poder traer empresas que xeren postos de traballo.

Entón a idea é gobernar?

Por suposto. Nós nestes catro anos demostramos que se podía gobernar doutra maneira e sen aspaventos, nin debacles. E tamén demostramos que estamos moi capacitados para a función de goberno. Ó mesmo tempo mantivemos a nosa imaxe diferenciada con respecto ós nosos socios de goberno, e fixose evidente cales das iniciativas tomadas saíron de Somos Ribadumia e cales non, o que nos permite afrontar o futuro con optimismo.

Por que pensas que vos vai apoiar a xente?

Por que imos presentar un proxecto que conta co apoio de todos os sectores da sociedade. E por que neste tempo demostramos que somos xente na que se pode confiar para o goberno. Somos dialogantes, damos a cara, sempre temos a porta aberta e nunca aprazamos unha reunión, solventamos problemas dilixentemente e non diferenciamos no trato “os nosos” de “os dos outros”.

E nun escenario sen maiorias absolutas?

Nos aspiramos a gañar. Se non conseguimos apoio suficiente teremos que decidir. Pero pola nosa banda xa demostramos que estamos capacitados para gobernar con forzas moi diferentes a nós, e sacar aínda así as nosas propostas adiante. Somos unha garantía de goberno, e a xente iso sabeo. E tamén sabe que se non temos apoio suficiente nas urnas para gobernar, igualmente imos ser decisivos no goberno que se conforme, polo que o noso programa de goberno vai ser o centro da acción política nos próximos anos.