• Recordámoslle ao candidato de IR que as obras necesarias para realizar proxectos do tamaño do que propón deben aprobarse en pleno, non en xunta de goberno.
• Recordámoslle tamén que a día de hoxe non hai ningunha partida económica prevista nin ningún compromiso de ningún ente superior asinado, e que a Deputación de Pontevedra, en mans do Psoe, tumbou ese mesmo proxecto, polo que o apoio socialista na realidade non existe.
• Quizais quen anda a facerlle a rosca a Gonzalo Durán, ao delegado provincial da Xunta, o señor Tourís e a outros destacados membros do PP, deba explicar a onde quere chegar, e non Somos Ribadumia, que xa demostramos sobradamente que non temos problema en enfrontarnos con claridade ao PP ou a calquera forza que vaia contra os intereses do noso concello.

A vista do comunicado emitido por IR, vémonos na obriga de facer unha serie de aclaracións.

– A primeira relativa ao pacto de goberno. O punto ao que se refire IR no seu comunicado, é correcto, pero esquece o señor Castro que un proxecto da envergadura do que se esta falando precisa dunhas partidas orzamentarias, que se deben aprobar en pleno. E para iso é necesario a día de hoxe, o apoio de Somos Ribadumia, salvo que IR chegue a acordo co PP nese punto, no suposto pouco probable de que se levara algo a pleno neste sentido nos 8 días que quedan de lexislatura.

– David Castro leva meses vendendo que ese proxecto “xa é unha realidade” , reuníndose en privado e case en segredo con diferentes colectivos no concello, e o máis grave, falando en nome do goberno sen autoridade para facelo e sen consultalo cos seus socios, para darlles a entender que o seu proxecto está en marcha, pero non é certo. Non hai máis que iso, un proxecto, que ademais xa foi rexeitado no seu dia Deputación do PSOE e sobre o que a día de hoxe non hai ningún compromiso de financiamento por parte de ningunha instancia superior, e nin sequera a obra figura, máis alo da parte xa aprobada, coa que concordamos totalmente como xa se dixo no seu día, recollida ni borrador dos orzamentos.

– Esa parte do proxecto, a que se vai realizar, consiste en melloras da seguridade viaria nas rúas de acceso ao Colexio, que se vai facer con cargo ao plan DEPOREMSE, nin sequera formaba parte do proxecto orixinal, tal como afirma o candidato de IR, se non dunha proposta anterior, por certo realizada polo noso concelleiro de obras co obxectivo de mellorar a seguridade no entorno da gardería, e que se recuperou logo de tres anos durmindo no caixón do alcalde, primeiro para complementar o proxecto tumbado pola Deputación, e despois cando saíu a convocatoria do DEPOREMSE, e que se vai a executar independentemente do que se faga co pavillón e co campo de fútbol, obras por certo que foron aprobadas, estas si co voto de Somos Ribadumia.

– Enrique Oubiña xa explicou que no seu momento, e os seus socios eran conscientes, cando a Deputación sacou a liña de axudas para “obras singulares” que aceptaba a presentación deste proxecto para intentar conseguir a subvención que se solicitaba, de ata 1,5 millóns de euros, pero advertindo que non compartía todo o proxecto e que tiña matices que non acabábamos de ver claros, como o aparcadoiro semisoterrado sen vixilancia ou o situar os autobuses ao lado da gardaría.

– Tal e como se lle explicou as socios de goberno no seu día e coa mellor das intencións, visto que a Deputación non aceptou o proxecto, entendemos que era a oportunidade de darlle unha volta e ir a un proxecto mais ambicioso, que resolvese non só os problemas de acceso ao colexio, senón tamén outros que ten o núcleo de Barrantes, como a falta de aparcadoiros e de dotación de zonas verdes e equipamentos para escola de música ou a xuventude. un proxecto mais ambicioso que se pode facer realidade a medio prazo por pouco mais coste que o que se pretende agora por parte de ir e do psoe.

– Quizais o candidato de IR, ou a súa muleta socialista, queiran explicar como pretenden, nun suposto local de so 200 metros cadrados, meter a nova escola de música, e os locais para a ANPA e para outros colectivos que el mesmo leva meses comprometendo a cada unha das entidades por separado.

– Somos Ribadumia non vendemos fume nin asumimos compromisos irrealizables, como ben demostramos nestes catro anos. Se falamos de trasladar o campo de fútbol é porque o vemos necesario e factible. No seu día non había terreos para facer o segundo campo en Ribadumia e conseguíronse, aínda que fora de mala maneira e pagando un prezo esaxerado, algo que con nos no goberno non vai acontecer. O único que fai falla e vontade e capacidade de xestión e saber negociar e chegar a acordos coas persoas afectadas, e coas consellerías e administracións que corresponda.

– sobre o intento ridículo e desesperado de tentar relacionarnos co PP. O único que temos que decir é que non somos nos, se non o candidato de IR, o que se dedica a lanzarlle loubanzas a Gonzalo Durán – na prensa onte mesmo – e evita encontronazos co resto de dirixentes populares, e non somos nos, se non o candidato de IR e o presidente do seu partido, os que se dedican a ir a restaurantes cambadeses de renome a comer e a cear con importantes cargos do PP, polo que igual é IR o partido que deba darlle explicacións aos seus votantes.

Pola nosa banda, nos presentamos o noso proxecto, e estamos encantados de haxa outros partidos que coincidan coa nosa visión do futuro para Barrantes, pero unha concordancia puntual está moi lonxe de ser un acordo de goberno, como debería saber quen leva catro anos gobernando gracias ao noso voto e sen ter problemas.

Resumindo: Por desgraza, non hai nada aprobado, nin definitivo para o entorno do colexio de Barrantes, hai 2 proxectos, un que xa foi rexeitado pola Deputación no seu momento e o que Somos Ribadumia lle ve certas deficiencias, e outro mais ambicioso pero que pensamos resolverá todos os problemas que ten Barrantes na actualidade. Os veciños terán que escoller que futuro queren para Barrantes, nos pola nosa banda como sempre, estaremos abertos a buscar solucións consensuadas con todas as partes, pero que sexan efectivas e definitivas, non unha galería de parches.

• Na súa onceava edición, as actividades para nenos volveron compartir espazo cunha decena entidades de carácter social, o proxecto cooperativo do CPI Xulia Becerra malvar, e mesmo coa terceira idade.
• Esta xornada, organizada polo departamento de servizos sociais, baixo a responsabilidade de Enrique Oubiña, volveu destacar pola súa boa organización.

Este pasado domingo Ribadumia volveu gozar dunha xornada de convivencia familiar coa XI Festa da Familia.

O evento, que xa esta plenamente asentado volveu apostar, como cada ano dende que Enrique Oubiña é concelleiro de servizos sociais, por promover a vertente máis social da mesma, contando coa presenza de diversas entidades de carácter social, que completaron todas as atraccións pensadas para os nenos, dende inchables ata un karaoke infantil, pasando por diversos xogos tradicionais, e mesmo un xadrez xigante.

Un dos obxectivos da xornada, que se cumpriu sobradamente, foi o de poñer en contacto a diversas entidades de carácter social coas familias e en particular a nenos en situacións moi diversas. Así, entidades como BATA, Esperanza Salnés ou TDAH Salnés, organizaron actividades conxuntas, ademasi de expoñer o traballo que fan a diario, xunto a outras entidades como o Banco de Alimentos doSalnés, o SPAD do Salnés ou o Centro LAR.

Tamén tiveron o seu espazo os nenos do proxecto cooperativista do CPI Xulia Becerra malvar e un nutrido grupo de usuarios do xeriatrico de Ribadumia.

Enrique Oubiña ,que aparcou os traballos de campaña para axudar na montaxe da feira, e pasou a tarde colaborando e participando coa súa familia, valorou moi positivamente este evento “que mellorou gracias a nosa aportación, permitindo agora unha festa que sexa tamén un punto de encontro a todos os niveis para familias de moi diversa índole e circunstancias. Tamén valorou e agradeceu Oubiña “o traballo do departamento de servizos sociais e do educador familiar, Santiago telmo, un profesional como poucos que fai posible co seu esforzo que esta feira, e outras actividades importantes que se organizan dende servizos sociais, saian adiante. E do mesmo xeito temos que agradecer a todas as entidades que quixeron participar e colaborar nesta xornada, que pasou de ser so unha tarde de xogos a ser toda unha tarde de convivencia entre familias moi diversas”.

• A proposta inclúe o desprazamento do campo de fútbol para crear un gran espazo público e resolver de paso os problemas do colexio.
• Prevense intervencións como a eliminación dos semáforos, a reordenación do tráfico a apertura de rúas como a do DIA, algunha das cales podería ser efectiva antes do remate do verán.
• O proxecto, elaborado coa axuda de profesionais, en base ao falados nos últimos meses cos diferentes colectivos, veciñanza, comerciantes e hostaleiros da zona, conta cun amplo consenso social.

 

   Somos Ribadumia elaborou un programa de goberno que inclúe unha serie de actuación orientadas a mellorar a calidade vida no núcleo de Barrantes, mellorando os espazos públicos e a seguridade viaria, e alixeirando e axilizando o tráfico dentro das súas rúas.

Ganar 12.000 metros cadrados para a cidadanía.

A proposta inclúe o desprazamento do campo de fútbol para crear un gran espazo público e solventar de paso os problemas do colexio. Esta actuación, sen dubida unha actuación importante por tamaño e por custe, permitirá dispor dunha bolsa de case 12.000 metros cadrados para uso público. Neste espazo será posible solucionar en primeiro lugar os problemas de acceso e de espazo do colexio, dispoñendo unha darsena de buses con acceso seguro para os nenos, illada fisicamente, do resto de accesos ao colexio, un patio cuberto e unha area de esparcemento e recreo tamén pechada.

   Por outra banda, será posible no resto de espazo dotar un edifico de usos múltiples onde dar cabida as necesidades do concello: unha nova escola de música e un local de ensaio, un local social para a veciñanza, locais para diferentes colectivos sociais, e mesmo unha nova biblioteca e ximnasios municipais. E inda quedaria espazo suficiente para construir un novo pabillón, zonas verdes, parques infantís e unha bolsa de aparcadoiros.

   Tamén se debe ter en conta que con esta actuación sería posible unha mellora importante,  a través dunhas novas instalacións,  para o Umia, que nos últimos anos tivo un importante crecemento, que as instalacións actuais xa notan. Ademais resolveríase o problema do cespede artificial, que actualmente ve recortada a súa vida útil á metade polo uso compartido co colexio, obrigando ao concello a facerlle fronte cada seis ou sete anos aos 200.000€ que custa o seu cambio.

Reordenar o núcleo, facilitar o trafico e o aparcadoiro, dar prioridade as persoas, facerlles a vida urbana máis cómoda, favorecer o comercio e  hostalaría.

  Pero o proxecto que dende Somos Ribadumia temos para Barrantes vai moito máis aló de resolver os problemas do colexio. A idea é acometer unha modificación profunda do noso núcleo máis poboado, co obxectivo de facer máis cómoda a vida as persoas que viven nel ou que por diferentes motivos se achegan a Barrantes.

 Prevense neste senso  intervencións como a eliminación dos semáforos, e a transición paulatina á plataforma única, con beirarrúas máis anchas e máis  espazos verdes. Tamén está prevista unha  reordenación do tráfico, con rúas de sentido único, e tramos semipeonís, así como a apertura de rúas como a do DIA, e a dotación de bolsas de aparcadoiro na contorna do núcleo, de tal xeito que calquera persoa poida achegarse a Barrantes, deixar o coche  perfectamente aparcado e non ter que camiñar máis que un par de minutos para estar en pleno centro.

   Algunha destas medidas, nunha primeira fase poderá facerse efectiva antes do remate do verán, e terán unha importante repercusión tanto na calidade de vida das persoas como no comercio e hostalería  locais que, como en todas as vilas que optaron pola humanización e proxectos similares, melloraron a súa actividade.

   O proxecto, que toma exemplo de outras vilas, grandes e pequenas, que o noso Concelleiro foi visitando ao longo destes últimos anos en varios viaxes organizados pola Deputacións, dende Huesca a La Oliva en Lanzarote, pasando por barrios barceloneses de recente humanización, así como outras vilas catalanas máis pequenas, e mesmo outras que visitou a titulo persoal en varios países europeos, foi elaborado coa axuda de profesionais,  en base a esas experiencias, pero sobre todo  ao falado nos últimos meses cos diferentes colectivos veciñanza, comerciantes e hostaleiros da zona, e conta cun amplo consenso social.

  Dende Somos Ribadumia apóstasmos por este proxecto por que supón mellorar  a calidade de vida das persoas, o medio ambiente, a seguridade viaria e o desenvolvemento do comercio, da hostalaría e mesmo do turismo, que encontrará en Barrantes unha vila cómoda onde aloxarse ou gozar da nosa boa gastronomía, así como dos atractivos turísticos próximos, que conectaremos correctamente.

  Para nos, as persoas son o primeiro por iso todas as nosas iniciativas están orientadas cara lograr unha mellora calidade de vida, sexa en aspectos urbanísticos, como sociais, deportivos ou culturais.

• A xuntanza co colexio, ANPA e Umia para falar do suposto proxecto para a zona escolar, foi convocada sen informar ao representante de Somos Ribadumia, que tamén é concelleiro de obras, e polo tanto responsable da área.
• Dende Somos Ribadumia condenamos este uso interesado e electoralista da casa do concello e dos medios de prensa  e redes sociais municipais, para vender proxectos de xeito partidista en plena campaña electoral.
• Defendemos a busca de solucións globais e a longo prazo, que resolvan problemas en lugar de movelos de sitio, e por ese motivo no caso do entrono do colexio de Barrantes defendemos a nosa idea de trasladar o campo de A Bouza.

  O venres pasado, xa comezada a campaña electoral,  tivo lugar no casa consistorial unha xuntanza que contou coa presencia das direccións da ANPA, o colexio e o Umia, na que se lles presentou un proxecto que a día de hoxe é puro fume electoralista, pois non conta coa aprobación do goberno,  imprescindible para poder levalo a cabo, salvo unha pequena parte, xa separada do conxunto, licitada e no seu momento presentada publicamente.

Para que quede claro: ese proxecto do que fala o candidato de IR,  NON é un proxecto do equipo de goberno do concello de Ribadumia. É un proxecto defendido por IR e, aparentemente, polo Psoe, pero non conta co    apoio Somos Ribadumia e polo tanto, non pode a día de hoxe levarse a cabo, nin entra en ningunha previsión orzamentaria.

   Esa xuntanza foi un claro exemplo de electoralismo puro do candidato de IR, abusando da súa posición de alcalde para, dende a casa do concello, confundir a eses colectivos xogando e tentar vender un proxecto partidista que está moi lonxe de ser unha realidade, actuando  ao máis puro estilo PP, solo que neste caso contando coa axuda cómplice do Psoe, que debería aclarar se a estas alturas ten xa asinado algún pacto de goberno con IR, e en que condicións.

 Ademais, tivemos constancia de que o representante de IR, abusando tamén da súa calidade de alcalde, encargou un vídeo para promocionar este proxecto. A este respecto presentamos xa un escrito solicitando que se nos informe en base a que motivos se fixo unha encarga dese tipo, o seu custe e quen o  vai pagar e de que maneira.

 Dende Somos Ribadumia lamentamos a  deslealdade de grado maiusculo que supón convocar xuntanzas  deste tipo sen informar nin convidar ao noso representante, pero sobre todo que se faga con interese unicamente electoralista. Como forza que defendemos a ética e a honradez na política,  pedimos a quen accedeu ao goberno gracias ao noso voto un pouco de cordura, de respecto e da humildade da que tanto lle gusta falar ultimamente, e desmarcámonos desta maneira de actuar, que solo pretendía utilizar de xeito interesado a uns colectivos, tentando facelos participes forzosos dun proxecto que  so é fume , pretensión que de todos xeitos resultou infrutuosa á vista do resultado.

Un proxecto coxo e sen consensuar.

  Con respecto ao falado nesa xuntanza, e que  IR e Psoe anuncian usando os medios do concello como se fora unha cuestión do goberno cando é un proxecto sen consenso político nin recursos, solo podemos dicir que a nosa postura mantense igual que a finais do verán pasado, cando lle comunicamos aos nosos socios de goberno que ese proxecto nos xeraba moitas dubidas, en especial polo perigo de poñer unha dársena de autobuses pegada a unha gardería e por crear espazos como aparcadoiros semisoterrados nun concello sen policía local, por non falar do custe de facer tamaño aparcamento para unha trintena escasa de prazas.

  Tal como explicaba Enrique Oubiña , “ao longo dos últimos meses, mantivemos xuntanzas con diferentes colectivos, para ver como vían este proxecto e estudar diferentes opcións. De todas esas xuntanzas, realizadas con todo o respecto cara as partes implicadas,  escoitando e consensuando xurdiu a idea e o proxecto que defendemos dende Somos Ribadumia, e que en lugar de mover os problemas de sitio, elimínaos, e ademais aporta solucións a outros problemas que os nosos socios de goberno non teñen nin idea de como solucionar, como a saturación de tráfico en todo o núcleo, ou falta de espazos habilitados para entidades do concello ou a escola de música, ou a  saturación do campo do Umia e o desgaste acelerado do cespede artifical, que obriga a gastar do peto de todos os veciños e veciñas 200.000 € cada seis ou sete anos, mentres non aportemos outra solución.

 Nos o que non fixemos en ningún caso foi ir por aí vendendo proxectos como se foran cuestións xa decididas no goberno, pois para nos a lealdade política tamén é importante, e seguiremos defendendo a nosa opción, abertos sempre a consensuar e buscar solucións, pero sempre dende o respecto institucional, tanto cos colectivos afectados como co resto de forzas políticas e coa nosa veciñanza.

O que si lle pido a David Castro é que deixe de ofrecerlle, a conta dos cartos de todos,  cafeterías aos clubs deportivos – que xa comeza a dar algo de vergoña allea – e se centre nos problemas que realmente teñen esas entidades, como por exemplo aceptar a nosa proposta orzamentaria de aumentar os fondos que se reparten entre as mesmas, e que el ten bloqueada” .