- A nova lei o do solo introduce cambios e restricións moi duras que supoñen un grave prexuízo para os veciños de Ribadumia.
As sesións plenarias incluen, logo dunha proba feita en marzo, a posibilidade de proxectar datos e imaxes nunha pantalla colocada a tal fin, que axuden a concelleiros e público en xeral na comprensión dos temas que se están tratando en cada momento.
O pleno municipal aprobou o pasado xoves unha moción para solicitarlle á Xunta de Galicia unha corrección na Lei do Solo, que modifique as esixencias para a construción de invernadoiros nos núcleos rurais.
A nova Lei do Solo de Galicia establece nos artigos 35 ao 39 os usos e actividades en solo rústico, o procedemento para o outorgamento de autorizacións e as condicións xerais das edificacións neste tipo de solo. No punto g) do art. 35 inclúe como usos ou actividades admisibles a construción e instalacións agrícolas tales como viveiros e invernadoiros; e no art. 39., nas condicións xerais da edificación, transcribe o texto dos artigos 42 e 44 da LOUGA, reducindo a superficie da parcela mínima a 2.000 m2 e fixando que no caso da construción de invernadoiros a superficie máxima de ocupación será do 60% da superficie da leira, permitindo en casos excepcionais chegar ao 66%.
En resumo, a nova Lei elimina o réxime excepcional que para a construción de invernadoiros contemplaba a LOUGA, asociando este tipo de construcións a todo tipo de edificacións autorizables en Solo Rústico, esixíndolle as condicións de dotación de servizos urbanísticos, acceso rodado, recollida, eliminación e depuración de residuos, abastecemento de auga, subministración de enerxía eléctrica, parcela mínima, retranqueos e demais condicións.
Por todo iso, previamente a elaboración da moción que se presentou para o seu debate e aprobación o pasado xoves, o pasado día 22 de Marzo dende o Concello realizouse unha consulta á Dirección Xeral de Urbanismo da Xunta de Galicia con obxecto de confirmar as condicións que impón a nova normativa para a autorización de invernadoiros en Solo Rústico. A D.X. de Urbanismo contestou o pasado día 8 de abril por medio do escrito seguinte:
En relación á consulta formulada sobre a construción de invernadoiros en solo rústico, o mesmo constitúe un uso dos previstos no artigo 35.1.g), sometido á obtención do título habilitante municipal, e para o que resultan de aplicación as condicións de edificación previstas no artigo 39 da Lei 2/2016, do 10 de febreiro, do solo de Galicia.
Non se contemplan na nova Lei do Solo excepcións ás cuestións específicas formuladas, por canto:
– En relación á superficie mínima da parcela, será de 2.000 metros cadrados.
– Deberá garántirse o acceso rodado de uso público adecuado á implantación.
– En canto aos servizos esixidos, deberán garantirse a cargo do promotor da actuación nos termos dispostos na lei.
Polo exposto, dado o carácter eminentemente agrícola do municipio,e o evidente prexuízo para os veciños que supón a actual redacción da Lei do Solo nos artigos comentados, o pleno municipal aprobou dirixirse á Xunta de Galicia pedindo que mediante a modificación puntual da nova Lei do Solo establézase novamente o réxime excepcional que para este tipo de construcións tiña a LOUGA e así se posibilite a instalación deste tipo de construcións en Solo Rústico.
Enrique Oubiña, que como sempre estivo moi activo e participativo durante a xornada, resalta a importancia de integrar as entidades sociais neste tipo de eventos, “ pois realizan unha importante labor, moi relacionada coa vida diaria das persoas, e faise preciso poñer o seu traballo de relevancia. Ademais no día a día calquera de nos pode toparse cunha situación particular, como un fillo que teña algún tipo de autismo, ou un avo que precise de atención personalizada, por poñer dous exemplos claros, e coñecer estas entidades pode facilitarnos moito a hora de vivir estas situacións.” Tamén resalta Oubiña a importancia de que os mais pequenos coñezan a diversidade coa que convivimos todos os dias, e “dende ese punto de vista as actividades como as realizadas este domingo por estas entidades son fundamentais”.
