O “Documento Organizativo e Carta Financeira” queda pendente dunha segunda asemblea.

   Na tarde de onte tivo lugar a asemblea programada para debater os documentos que deberían servir para asentar e organizar o funcionamento interno de Somos Ribadumia.

   Para o debate había propostos dous documentos, por una banda una carta fundacional, que expresara dalgún xeito os motivos que nos levaron a crear Somos Ribadumia e as pautas éticas e programáticas que a plataforma e as persoas que forman parte activa dela deberían seguir; e por outro lado un documento organizativo que ademais da carta financeira  establecera as bases de funcionamento interno, da asemblea, da Comisión Executiva, a figura do colaborador, etc.

   O debate, que transcorreu nun ambiente moi aberto e animado que favoreceu o contraste de ideas e posicións,  prolongouse durante mais de tres horas, e como resultado del aprobouse por consenso o Documento Fundacional, e deixouse moi avanzado o Documento Organizativo e Carta Financeira.

   Nunha próxima asemblea  pendente de concretar debaterase o que falta do documento organizativo e da carta financieira e, se procedera, elixirase a Comisión Executiva que deberá levar adiante o traballo do día a día e realizar os acordos que se tomen nas distintas asembleas.

   Hai que remarcar, ademais do respecto e carácter dialogante que mostraron todos os veciños e veciñas que se achegaron a asemblea, a capacidade mostrada para sacar adiante un documento desta importancia por consenso. Hai que recordar que todas as decisións que ata o día de hoxe tomou esta plataforma foron precisamente  “por consenso”, sen necesidade de votacións, e se algo quedou claro na asemblea de onte, é precisamente que un pilar fundamental do funcionamento de Somos Ribadumia debe ser a busca de acordos consensuados.

 

   O proceso organizativo de Somos Ribadumia segue o seu camiño.

  Logo de que o equipo de traballo redactara uns documentos de base e que estes estiveran a disposición dos veciños para que sobre eles puderades elaborar as vosas propostas, damos o seguinte paso que é convocar a Asemblea Organizativa.

Sera o xoves 21, as 20.30h no centro social de barrantes.

   Os documentos para o debate telos na pestaña de “Asemblea Organizativa”.

  Dende Somos Ribadumia animámoste como veciño e veciña do noso concello a participar nesta asemblea, que nos vai marcar as pautas para sacar adiante o noso traballo nos próximos anos.

Seguir lendo →

Tal e como dixemos dende a primeira asemblea, Somos Ribadumia  naceu para quedar.

Por ese motivo  faise necesario elaborar unha serie de documentos organizativos que recollan os principios de funcionamento, ideoloxía, programa, código ético,  estruturación organizativa, e unha carta financieira. 

  Con este fin, puxemos en marcha un proceso aberto que lles permita os nosos veciños participar activamente na elaboración e aprobación deses documentos, básicos para mellorar a nosa organización interna, anque sempre mantendo os principios de transparecencia, participación aberta  e horizontalidade,  cos que nacemos.

Para participar neste proceso temos habilitado un espazo que explica como podedes aportar o voso granciño de area.  Podedes premer na casulla da vosa dereita  “Asemblea Organizativa” ou no seguinte enlace:

https://somosribadumia.wordpress.com/asemblea-organizativa-2/