Esta será a primeira dunha rolda de reunións que o equipo de goberno realizará en todas as parroquias para coñecer de primeira man cales as impresións e necesidades dos veciños

O equipo de goberno de Ribadumia ven de convocar a todos os veciños e veciñas da parroquia de Sisan a unha xuntanza que terá lugar este domingo as doce e media da maña no centro cultural, co obxectivo de tomar contacto coa veciñanaza, e escoitar as demandas ou necesidades que teña.

   Esta xuntanza é a primeira dunha serie reunións que o equipo de goberno pretende levar acabo en todas as parroquias, co obxectivo de achegarse a xente e poder ter unha impresión de primeira man do que acontece no concello, de cales son as demandas e necesidades que os veciños teñen, así como as criticas que estes queiran facer a labor de goberno.

   Tanto para Somos Ribadumia como para o equipo de goberno  son primordiais este tipo de formulas de achegamento a cidadanía, non solo porque supoñen  unha maneira directa de tomarlle o pulso o concello, se non tamén por que resulta un importante  mecanismo de participación cidadá, que fai mais participes os veciños e  veciñas da vida municipal.

   Logo de que na asemblea do pasado 21 de Xaneiro puxeramos en marcha o debate organizativo, toca rematar o traballo iniciado.

  A cita será este xoves, as 20:30 no centro cultural de Barrantes, e como sempre, a xuntanza está aberta a todos os veciños e veciñas que queirades participar, e axudarnos a facer concello.

  Ademais, a parte do proceso organizativo, procederemos a designar a Comisión Organizativa, o grupo de homes e mulleres  que se vai ocupar de levar os asuntos do día a día de Somos Ribadumia e da nosa parte como integrantes do goberno municipal, e trataremos diversos asuntos municipais.

O equipo de goberno acordou añadir un elemento accesible nun dos parques, para facilitar a integración de nenos con problemas de movilidade.

   O equipo de goberno de Ribadumia informa que están en marcha as obras de reparación e mantemento dos parques infantís do concello, iniciadas en decembro, anque logo, tal como explica o concelleiro de obras enrique Oubiña, ” quedaron paralizadas ata fai uns días por mor do mal tempo, que non permiten realizar este tipo de traballos no exterior”.

   As obras prevén actuacións en oito parques infantís, ós cales se lles realizarán labouras de limpeza, mantemento e substitución de elementos defectuosos, e logo da aprobación en pleno municipal dunha partida de 30.000€ para este fin, e do correspondente procedemento, denominado “negociado sen publicidade”, no que se convidou a catro empresas do sector a presentar ofertas, foron adxudicadas,  por un valor de 25.410€, correspondente coa que os técnicos municipais consideraron mellor oferta. Hai que resaltar a mellora da transparencia con este tipo de contratacións, onde o procedemento que se segue é totalmente aberto, pasando polo pleno municipal para que os partidos políticos valoren a proposta,  e xestionado despois polos técnicos municipais, que son os que elaboran os seus informes e valoracións sen inxerencias políticas. 

  A maiores disto, no parque infantil anexo a aula de primaria do colexio estase procedendo a substitución de toda a superficie de caucho. Esta substitución, que suporá mais da metade dos 25.410€ que se van investir nas reparacións de todos os parques municipais, ven motivada, según os informes técnicos realizados, pola mala colocación e baixa calidade dos materiais existentes, que axudada por un defectuoso mantemento derivou en problemas diversos, como o desgaste do caucho que rematou por tinguir a roupa dos nenos, empozamento de augas en varias zonas, etc. Ademais, unha vez retirado o caucho vello, fíxose evidente que a soleira sobre a que estaba asentado realizouse no seu día dun xeito moi deficiente, o cal obrigou agora a realizar unha soleira nova, cun sobrecusto na obra de preto de 4.000€.

  Para Enrique Oubiña,  concelleiro de obras, “a deixadez do goberno anterior, que non exercía ningún tipo de control sobre as obras que adxudicaba, e permitía que as cousas se fixeran de calquera maneira, lévanos agora a ter que gastar cartos de todos os veciños en corrixir estas situacións”.

   O equipo de goberno acordou tamén aproveitar estas obras e añadir un elemento  accesible nun  dos parques do núcleo de Barrantes, e non descarta no futuro, se se vira a necesidade, incluír mais elementos deste tipo noutros parques.

   A  inversión final nos parques do concello vai superar os 30.000€, unha cantidade en gran medida derivada da situación na que estaban os parques, denunciada xa por Somos Ribadumia en marzo do 2015 , ainda co goberno do PP, que obriga agora a unha actuación en profundidade. Para Enrique Oubiña, “son inversións necesarias,  porque os parques infantís teñen que ter un mantemento correcto que  garanta  cuestións como a seguridade,  e obviar ese mantemento  ou seguir mirando para outro lado como facía o anterior equipo de goberno solo serviría  para que no futuro os problemas foran maiores, e tamén mais caros de corrixir.

Dende Somos Ribadumia entendemos que o equipo de goberno está facendo un bo traballo, e inda que o procedemento para levalas a cabo non é tan rapido como nos gustaría, nos preferimos que se fagan  as cousas ben, tanto no político levando a obra a pleno, onde por certo comprobamos a oposición do PP a estas actuacións,   e seguindo unha formula de contratación aberta,  como na execución das obras, para  garantir que os parques ó remate das actuacións van estar en optimas condicións e mínimizar os custes de mantemento no futuro.” 

  

A iniciativa tivo moi boa acollida por parte dos veciños, cun total de 101 participantes e 3 establecementos comerciais e de hostalería.

O Concello de Ribadumia, a través da concellería de Medio Ambiente, vén de solicitar a adhesión ó programa de Compostaxe Comunitario da Deputación de Pontevedra.

  Esta iniciativa xorde co obxectivo de iniciar ós veciños do núcleo urbano na práctica de compostar os restos orgánicos producidos nos domicilios, buscando  lograr unha redución do lixo que se remite a SOGAMA para a súa custosa e contaminante incineración. Para isto,  dotarase  ó núcleo urbano cun composteiro comunitario para o uso da veciñanza adherida ó Plan.

Para esta experiencia, o Departamento Técnico do Concello de Ribadumia sinalou a ubicación do Centro de Compostaxe Comunitario no núcleo urbano de Barrantes, por tratarse do núcleo urbano con máis poboación de todo o municipio.  A parcela elixida, situada na zona verde da praza do concello, conta con edificios de vivendas e baixos comerciais ó seu redor.

Experiencia piloto

  Este programa plantexase como unha experiencia piloto para o municipio, e o concelleiro de Medio Ambiente, José Ramón González Lede, agarda que “se consigan os dous obxectivos principais: a redución do impacto medioambiental que supón o transporte e posterior incineración dos residuos orgánicos, e a redución do elevado custe económico que isto supón para as arcas municipais, onde o Concello ven aportando o 50% do custe total da eliminación deste tipo de residuos. Ademais, o Concello pechará o círculo da compostaxe empregando o excedente do abono ecolóxico obtido neste proceso no mantemento das zonas verdes, parques e xardíns de Ribadumia.”

Pola súa banda, os veciños da zona, recibiron a iniciativa cunha moi boa acollida despois de que o concelleiro de Medio Ambiente se reunira cos interesados para explicarlles cómo vai ser o funcionamento do futuro composteiro comunitario. Un total de 101 veciños da zona comprometéronse a participar nesta experiencia piloto, cifra que supera amplamente o mínimo requirido por parte da Deputación para a implantación dos composteiros. Tamén se comprometeron tres establecementos comerciais e de hostalería.

Para o concelleiro José Ramón González “a intención é, sempre que os resultados obtidos sexan satisfactorios, potenciar este sistema e tratar de dispoñer máis Centros de Compostaxe Comunitario noutras zonas do termo municipal que cumpran cas características requiridas”.

  Dende Somos Ribadumia agardamos que Deputación de Pontevedra dea o visto bo e apoie este proxecto, e felicitamos o equipo de goberno e o concelleiro de medio ambiente por esta iniciativa.