• A falta de facultativos supón para os veciños unha lista de espera en atención primaria de máis de 15 días.

   A lista de espera para unha consulta de atención primaria no centro de saude de Ribadumia incrementouse ata supor casi quince días. O motivo principal nestes intres céntrase en que un dos dous facultativos que prestan servizo no Centro de Saúde deste Concello, por motivos persoais, só presta consulta durante tres horas diarias, de 8:00 a 11:00, non sendo substituído no resto de horario de consulta. Co que dende as 11 horas da mañá queda un só facultativo para cubrir as consultas, urxencias, e posibles saídas do centro por emerxencia. Situación que se agrava cando non está o pediatra, xa que a maiores ten que cubrir tódalas urxencias de pediatría que se presenten . A isto hai que sumarlle a circunstancia de que os facultativos que levan a cabo a súa labor en Ribadumia, excenden  o seu cupo de pacientes, atendendo actualmente a 1800 e 1500 persoas respectivamente, moi por riba 1200 pacientes establecidos, que son os que atenden os facultativos de concellos veciños e similares en numero de habitantes, como Meis e a Illa,  que contan ademais con 3 medicos cada un.

Para poder dar resposta os veciños e a unha mellora da situación no Centro de Saúde, o equipo de goberno ven e solicitar ó Sergas unha reunión urxente na que afrontar estas situacións e outras posibles melloras .

 Esta maña, o alcalde e a concelleira de cultura e educación fixeron entrega dos agasallos ós nenos participantes na I Convocatoria de receitas, que estaba dirixido a alumnos de infantil, primaria e secundaria e que buscaba que os nenos presentaran receitas elaboradas con produtos da praza.

 Este certame,  organizado polo Concello de Ribadumia que se suma a entrega de mandís e bolsas o pasado mercores coa presenza de Enrique Oubiña, inclúese na campaña lanzada pola Dirección Xeral do Comercio co gallo do Día Internacional dos Mercados, que se conmemora hoxe día 28 de maio.

 Para Enrique Oubiña, “as prazas de abastos e os mercados son dinamizadores moi importantes da economía local. É unha pena que pola praza de abastos de Barrantes solo se preocupara en oito anos o anterior bipartito da Xunta de Galicia, pero o  equipo e goberno actual está traballando para que, antes de rematar a lexislatura , neste aspecto poidamos ver melloras importantes”.

   Dende o equipo de goberno felicitan os nenos e nenas participantes, e agradecen as praceiras a súa colaboración nesta campaña, que busca por de relevancia os mercados e prazas de abastos.

O Concello de Ribadumia xunto co Concello de Cambados presentaron onte un  proxecto conxunto  para acometer melloras no polígono industrial que alcanza os 180.000,00 €, finaciado en gran medida pola Xunta de Galicia.
Na presentación  estiveron autoridades do Concello de Cambados, o Presidente da Asociación de Empresarios, e polo Concello de Ribadumia asistiron o alcalde, a concelleira de contas e promoción económica e o concelleiro de urbanismo Enrique Oubiña. Tamén contamos coa presenza do delegado provincial da Xunta D. José M. Cores Tourís e do Xefe Territorial de economia, emprego e Industria D. Ignacio Rial Santomé.

  O proxecto servirá, pola banda de Ribadumia, para adecentar unha zona de aparcadoiro e mellorar a sinalización viaria en parte do polígono. Este tipo de obras  axudan a mellorar a cara do polígono industrial.

Onte cumpriuse un ano das eleccións municipais. Fernando Ruiz reflexiona sobre aqueles días que xa parecen moi lonxe no seguinte artigo, que nos gardamos xunto a outros na sección “os nosos veciños opinan”.

Os ultimos días do Eden

Tómome  a liberdade dende estas liñas para recordarvos que nestes días cúmprense unha destas datas “simbólicas” e non, non me refiro ao  aniversario do famoso cantante Bob Dilan que esta a piques de cumprir  setenta e cinco  anazos , se non de outro nacemento, para sermos exactos o nacemento dunha pequena plataforma cidadá que acabou chamándose Somos Ribadumia, e que acabaría por revolucionar o panorama político do noso Concello. Facendo un pouco de memoria colectiva poderiamos recordar aqueles momentos, de profunda convulsa neste noso fogar que chamamos España, tales coma Ministros mentireiros, Políticos corruptos , algún que outro tesoureiro na cárcere sedes políticos pagadas en b sobresoldos, Gurteles Presidentes de Deputación imputados, e non sei cantas porcalladas mais… ben pensado e mellor non pensar como era todo fai un ano no noso pais porque calquera diría que sufrimos un Déjà viu  malsán. Centrándonos un pouco en como ía o todo no noso concello o PP estaba aínda neses días previos a gran fociñada electoral e vivía nunha enorme balsa de aceite, nada se movía sen o expreso permiso e beneplácito da Alcaldesa todo era marabilloso tal como estaba.

    Ah, pero a veces o destino e cruel e caprichoso e o que son designios sagrados de gloria tórnanse en amargas vitorias para estar na oposición. Os veciños de Ribadumia fartos de tanta prepotencia e aires de superioridade decidiran en varias asembleas públicas e abertas a tódalas persoas que quixeron participar, crear a Plataforma cidadá Somos Ribadumia co inefable espírito de renovar a Política no noso Concello. O principio nas altas esferas do Partido Popular parece que non houbo unha gran reacción (nin frío nin calor vamos) seguían no seu paraíso terreal no seu propio Edén privado, e dende ese tipo de posición sempre resulta  difícil calibrar o que esta por vir.

   Pasaron os días e as Semana e o final entramos na guerra que son as eleccións Municipal que enfrontan a veciños e familias alomenos de forma ideolóxica. Para aquelas persoas que sexan legos na materia das interioridades dunha campaña electoral direivos que se non tendes fondos ilimitados coma “outros Partidos” o que si iredes ter e unha inmensa morea de traballo. Para que este movemento cidadán sairá adiante era necesario mais que nunca que moitas persoas uniran esforzos de forma desinteresada, e alí estiveron os Veciños de Ribadumia sempre dispostos a votar unha man. Gustaríame enuméravos as persoas que  se empeñaran en que lograramos os nosos obxectivos pero estou seguro que me deixaría algún nome no tinteiro e seria inxusto con esas persoas. Polo tanto so direi unha cousa, GRACIAS, gracias a todos vos que gastastedes o voso escaso tempo de lecer nunha Ribadumia mellor, gracias por estar ata altas horas da noite enpaquetando sobres electorais, gracias por axudarnos a colocar carteis e a quitalos despois, gracias por asistir a largas reunións da Asemblea para crear este movemento Social, gracias polas vosas achegas económicas nestes días no que cada céntimo conta para chegar a fin de mes, e sobre todo gracias polas vosas ideas e tamén polas vosas criticas xa que dendelogo non somos infalibles. Gracias a todos vos por estar cando vos necesitabamos e gracias por confiar en nos e votarnos cando o fixestedes. De novo Gracias a todos.

    E ben, retomando un pouco o noso fío nesta historia estabamos en Campaña e agora o PP si que estaba ca mosca tras a orella. Así que empezou co que se lle da mellor que  a ninguén, a guerra sucia contra os que pensan distinto a eles. ¿e como se fai iso? pois no manual de guerra sucia do PP esta no primeiriño lugar o de afogar por tódolos medios as criticas dos adversarios. Polo  tanto non permitiu que Somos Ribadumia fora o debate de Telesalnes, porque xa sabedes que un pobo desinformado e fácil de enganar. Así que para que vas permitir que a oposición mais critica contigo che diga na televisión as moitas falcatruadas que cometiches, seria de parvos ou que. Unha vez afogado a mensaxe do teu rival tes que pasar a empozoñar por calquera medio posible. ¿Exemplo practico?  A lona difamatoria que puxo o Partido Popular  no Ximnasio de Barrantes a dous días das eleccións. Xa sabedes todos a que me refiro aquela de ¡¡ti votaches en contra!!  ¡¡non, non fixen tal!!  O dos dous días antes das eleccions non e baladi porque se pos esa lona antes a oposición pode solicitar que se quite no tribunal. Ademais o sitio tampouco e o chou, xa que esta a porta dun colexio electoral, para que os votantes teñan frescas as mensaxes dos que mandan, evidentemente, iso tamén é ilegal.

    ¿E despois de sacar a artillería pesada contra Somos Ribadumia como nos foi? Pois entramos no Concello cun concelleiro e sendo a primeira forza da Esquerda superando ao Patido Socialista en mais de cen votos. Sinceramente  esperabamos mais, necesitabamos mais para desaloxar aos tunantes animosos do Partido Popular do Concello. E coa   axuda do Partido Socialista de Ribadumia mais Independentes por Ribadumia ao final lográmolo. Esa seria unha forma de velo outra forma mais correcta seria que as veciñas e veciños do noso pequeno Concello decidiron que xa estaba ben, e os votaron o fin.

    Despois diso verían negociacións para formar un goberno e moito, moito, pero que moito, traballo para empezar a cambiar as cousas… pero iso e outra Historia para contar noutro momento. Así que despídome de vos na esperanza de non habervos aburrido moito e que vos queden gañas de ler as miñas verbas outro dia.

 Saúdavos  atentamente o voso veciño e amigo…

Fernando Ruiz Padín