O Concello de Ribadumia celebra esta tarde unha sesión Extraordinaria do Pleno Municipal, tres semanas despois do Pleno de organización de Goberno. Na orde do día figura ademais da adxudicación da reforma do ximnasio, a aprobación das bases de adxudicación para a dotación do edificio anexo o pavillon de Ribadumia, e unha modificación de credito para facer fronte a unhas  obras e compras que non estaban inicialmente orzamentadas para este ano,  un tema de moita importancia e que na última semana se esta vendo desvirtuado pola actitude do PP: a concesión de subvencións a entidades e clubs.

A oposición (PP) non fixo ningunha proposta concreta con respecto ó reparto destas axudas,  pero si criticou as propostas presentadas polo equipo de goberno nas Comisións Informativas, que tiveron lugar o pasado xoves,  por tratarse según o PP dun “corta e pega” das aprobadas o ano pasado.   “O que Salomé se esqueceu de decir, tal como aclarou á prensa o equipo de goberno, foi que  a concesión de subvencións a entidades e clubs xa tiñan que estar aprobadas polo anterior goberno, capitaneado  pola propia Salomé Peña,  en maio como moi tarde. Agora, “debido á deixadez do Partido Popular, que de abril a maio estivo máis pendente de facer propaganda electoral que de xestionar o Concello, a concesión de subvencións terá que ir a un pleno extraordinario” .

Ademais disto, na Comisión Informativa de Cultura e Deportes, e a pesares da urxencia  do tema, o equipo de goberno propuxo revisar a documentación das subvencións por se consideraban necesario facer algunha mellora nas axudas. O documento que se presentará esta tarde  para a  súa aprobación poderia presentar algún cambio, pero de non ser así o goberno comprométese a facer axustes antes de final de ano, se se vira que algunha entidade mantivo unha actividade moi por riba da valoración feita, unha valoración que debido a urxencia e sobre todo a ineficacia das bases ( unha ineficacia  que Enrique Oubiña non se cansou de denunciar ó longo da lexislatura pasada ante o silencio despreciativo do PP) non pudo realizarse  coa  obxetividade que este equipo de goberno pretende, algo que si acontecerá no futuro mais próximo.
Peña  tamén acusou estes días a Oubiña de “ter a pouca vergonza de defender en primeira persoa ese paquete de axudas a pesar de non ser o concelleiro de Cultura e Deporte” ao que Oubiña pide a Salomé Peña que “non se durma nos Plenos, xa que no Pleno de organización quedou moi claro que tanto Enrique Oubiña como José Ramón González forman parte de todas as comisións informativas como representantes dos seus respectivos partidos, ademais de formar parte do equipo de goberno”. Estas comisións, recordamos,  están compostas cada unha por sete membros , e respetando a proporcionalidade da representación que cada grupo político ostenta, corresponde en cada comisión 3 membros do Partido Popular, 2 membros de Independientes por Ribadumia, 1 membro do PSdeG e 1 membro de Somos Ribadumia.

  En resumo, as axudas as entidades  estaban nun caixon debido a inoperancia e irresponsabilidade do PP, e agora que o equipo de goberno, formado por SR, IR e Psoe, decide porlle remedio a esta situación pola vía de urxencia para que as entidades teñan acceso ás axudas canto antes,  topamonos con que o PP, en lugar de preocuparse polas entidades se preocupa de facer propaganda e demagoxia, pero sen facer ningún tipo de proposta, pois o único do que o equipo de goberno ten constancia tanto polo expresado nas comisións informativas como polo que chegou o propio concello, é do interes do PP en que haxa (e cobrar) cantas mais comisións informativas mellor. 

Cambio de bases.

O traballo do equipo de goberno coas axudas a entidades non acaba hoxe. A pesar de que este ano teñen que ser aprobadas por urxencia, dende o equipo de goberno, ante a evidencia de que as bases das subvencións non son obxectivas nin realistas coa labor que están a desenvolver as distintas entidades e clubs, temos  intención de consensuar e elaborar unhas novas bases que fagan xustizas a esta labor, primordial no desenrolo do noso concello.

    Onte tivo lugar unha nova xuntanza de Somos Ribadumia. Nela fixose un repaso da labor do equipo de goberno nestes primeiros días, moi intensos, e mais especificamente do traballo de Enrique Oubiña, concelleiro de Obras, vias, urbanismo, asuntos sociais, terceira idade e sanidade. En resumo podese decir que os primeiros días do equipo de goberno estan sendo moi axetreados porque había traballo acumulado, froito  do parón derivado do proceso electoral e de cambio de goberno. Mais todo vai correctamente, as urxencias como a posta en marcha da piscina ou da escola de ocio de verán están solventadas, e o novo equipo de goberno xa esta a pleno rendemento. Pola banda da laboura de Enrique Oubiña, ademais da atención os diferentes asuntos plantexados polos veciños e veciñas, que son o día a día do concello, estase poñendo en marcha, coa estreita colaboración do persoal de asuntos sociais, a elaboración dun plan especifico de axudas sociais, algo moi importante para Somos Ribadumia, e tamen para os socios de goberno,  e do que se falará moito nos próximos meses. Tamen se informou da reclamación á consellería de sanidade realizada pola inadmisible situación do noso centro de saude, que ademais das carencias que ten, de infraestrutura, de medios e de persoal, resulta que en verán o Sergas non cubre as baixas por vacacións.

Centrandonos xa na situación interna de Somos Ribadumia, logo de valorar o noso estado actual e o traballo realizado ata o momento, e visto que este proxecto ten moito desenrolo por diante, e que ademais conta cun apoio crecente de veciños e veciñas, onte tomaronse importantes decisións:

–  Somos Ribadumia vai manter o seu caracter de plataforma veciñal aberta, o que quere decir que as xuntanzas van a seguir sendo abertas, e que as decisións importantes vanse seguir tomando en asemblea, coa posibilidade de que calquera veciño e veciña participe.

– acordouse así mesmo elaborar un documento base, para ser levado a asemblea, que plantexe uns principios estatutarios e de funcionamento mínimos, que nos definan como grupo e que definan a nosa maneira de traballar. Para a laboura de redactar ese documento base nomeuse un equipo de tres persoas,  pero o proceso é aberto, polo que calquera persoa poderá facer as aportacións que considere. Na próxima asemblea, que tera certo caracter fundacional, debaterase este documento, coas aportacións e achegas que teñamos, e aprobarase o documento definitivo.

– mentres esta asemblea non ten lugar, provisionalmente estableceuse un grupo para o traballo diario. Non é un grupo pechado, polo que calquera persoa que queira aportar pode unirse e participar. Este grupo, que se comunicara diariamente a través de ferramentas como o e-mail ou o whatsapp, e que se xuntara como mínimo de xeito  quincenal,  ten o cometido de desenrolar o traballo político de Somos Ribadumia,  en base ó programa e código ético aprobados e o pacto de goberno asinado coas outras dúas forzas, fiscalizar e apoiar ó concelleiro  Enrique Oubiña no seu traballo, e atender a calquera situación que xurda.

En definitiva, a de onte foi  unha xuntanza moi fructifera, con importantes avances que van permitir que Somos Ribadumia teña un papel relevante no goberno municipal, a través do traballo de Enrique Oubiña e gracias o pacto asinado con IR e Psoe que nos da ademais dun proxecto de concello, a estabilidade municipal necesaria para traballar, pero tamén tamen que SR siga medrando como un espazo aberto de participación onde teñan cabida todos  os veciños e veciñas.

O Concello de Ribadumia presentou unha solicitude á Consellería de Sanidade ante a falta de persoal médico no Centro de Saúde

A pesar da falta dun dos dous facultativos do centro dende o 16 ata o 31 de xullo por descanso de vacacións, a Consellería non ten previsto designar a outro médico substituto

O Concello de Ribadumia, a través da Concellería de Sanidade, presentou esta mañá unha solicitude á Consellería de Sanidade da Xunta de Galicia co obxectivo de evitar que o Centro de Saúde de Ribadumia preste servizo aos seus cidadáns con tan só un médico para todo o municipio durante medio mes de xullo.

A solicitude presentouse unha vez se tivo coñecemento no Concello de que con motivo do descanso de vacacións dun dos dous médicos titulares – do 16 ao 31 de xullo-, a Consellería non ten previsto designar a outro médico substituto para cubrir o período vacacional.

Por todo iso, o Concello a través do equipo de Sanidade, solicitou á Consellería pertinente a designación dun médico substituto “a fin de evitar que se produza falta de asistencia médica ós pacientes ou unha carga excesiva de traballo para os outros facultativos”.

Tendo en conta que xeralmente durante o verán se produce un incremento de usuarios de centro médico pos asistencia de visitantes que se achegan ata este Concello polo período de vacacións “non se entende que un centro que xa ten faltas de persoal médico durante todo o ano, conte con tan só un titular no mes onde adoita haber máis usuarios”, replica o concelleiro de Sanidade Enrique Oubiña. “A Consellería debe pensar que a xente no verán non enferma”, engade o concelleiro.

“As baixas débense prever con anterioridade e é obriga deste departamento enviar o persoal necesario para que o funcionamento na atención pública non se vexa prexudicada”. “Por todo iso esperamos que esta falta de responsabilidade por parte da Consellería teña a máxima difusión posible e se poida arranxar antes de que se vexa prexudicada a propia saúde pública”, asegura Oubiña.

Somos Ribadumia non naceu como un proxecto electoralista. Nin moito menos. Temos vocación de continuidade,  e agora, logo destas semanas de infarto, coas eleccións, as negociacións para conformar un novo goberno estable e cun proxecto que nos permitise desenvolver as nosas propostas, e pasados xa os plenos de investidura e de organización do goberno municipal, onde temos un papel relevante como parte do tripartito (SR, IR e Psoe) que leva as rendas de Ribadumia, chegou o momento de dar pasos para seguir asentando Somos Ribadumia no panorama político local, e de impulsar o traballo municipal como parte do equipo de goberno.

Estamos no momento de afondar no desenrolo do noso proxecto para Ribadumia, e tamén na nosa organización interna, e seguir sumando a persoas que queiran participar dun proxecto como o noso, horizontal, aberto e profundamente democrático.

Por ese motivo estades convocados, veciños e veciñas a xuntanza que terá lugar o próximo mércores, a partires das 20:30 horas no centro cultural de Sisán.
Dende aquí animámosvos a vir e participar. Estamos traballando para construír unha nova Ribadumia, e queremos que formedes parte deste proxecto.