O pasado 25 de Novembro  foi o Día Internacional Contra a Violencia de Xénero. A Concellería de Servizos Sociais, que inclue os servizos de igualdade e o CIM  comarcal (Centro de Información á Muller) , e todo o equipo de goberno, manteñen o longo deste mes, con motivo deste día ,unha intensa axenda de actividades, variadas e actuando en varios ámbitos, tanto políticos como sociais, co obxectivo de primeiro visibilizar un problema de tal calibre que xa é un problema de estado e, en segundo lugar, axudar a previr.

En Negro Contra As Violencias.
 A principios de mes a Concellería de Servizos Sociais anunciaba a decisión do equipo de goberno de unirse a  campaña nacida en Santiago de Compostela, que une xa a 75 Concellos e 3 Deputacións, xunto a outras moitas entidades de todos os ámbitos. O día quince deste mesmo mes asinábase dito protocolo, e iniciabase así unha campaña que pretende visibilizar esta lacra.

Días despois os comercios de Ribadumia uníronse a esta campaña, colocando nos seus escaparates un cartel  negro visibilizando que son espazos libres de violencias de xénero. Estes carteis ocupan tamén lugares relevantes en todos os edificios municipais, e nos espazos do propio Concello, ó que se lle uniu unha gran pancarta negra.

  Esta campaña de visibiliación esta prevista que se manteña todo o que queda deste mes de novembro.

Actividades dende o CIM.

O 20 de novembro presentábanse en Cambados as actividades do CIM para os meses de novembro e decembro, centradas en varios aspectos e orientadas a varias franxas de idade  e escalas sociais. Ditas actividades, que se desenrolarán nos concellos de Ribadumia, Cambados e Meis, irán dende o empoderamento e o asociacionismo feminino, ata a actividades de prevención da violencia de xénero orientadas ós máis novos e desenroladas nos centros de ensino. Toda unha serie de actividades do máis interesante, algunhas novidosas como as sesións dirixidas a centros de educación infantil contra os estereotipos de xénero a través dos contos, ou unha xuntanza de entidades formadas por mulleres, e outras que xa acumulan varios anos de éxito, como Simposio Móstrate Salnés, que en Ribadumia en decembro celebrara a súa sexta edición.

Lectura do Manifesto.

O pasdo 24 de novembro tivo lugar a lectura mancomunada do manifesto en Contra da Violencia de Xenero, na casa consistorial.

“Cartas de amor” no CPI Xulia Becerra Malvar.

   Este martes 28 poñiase en marcha no Colexio de Barrantes unha exposición, promovida pola Secretaría Xeral de Igualdade e organizada polo departamento de Servizos Sociais do Concello, en colaboración co propio centro educativo, que irá acompañada dun obradoiro didáctico sobre igualdade. Dita exposición denominada  “Cartas de Amor”,  é unha mostra gráfica de ilustracións de diversos artistas onde o tema principal é a violencia de xénero e a mocidade. A través dunha selección de debuxos de artista como Miguel Calatayud, Patricia Castelao, Fausto Isorna, Pirusca, José Luís Méndez, Jack Mircala ou Javier Olivares preténdese chegar á xuventude e facerlles pensar sobre a situación que se está a vivir hoxe en día e que require de esforzo por cambiar. Con esta iniciativa búscase sensibilizar á poboación máis nova sobre a existencia de violencia nos seus modos de relacionarse, axudar a detectala e, polo tanto, a eliminala. Trátanse dunhas idades que, segundo vai a sociedade actual, poden verse afectadas por estas condutas polo que é necesario concienciar desde moi novos.

Paralelamente á exposición, impartirase un obradoiro didáctico sobre igualdade o vindeiro xoves, 30 de novembro, dirixido aos cursos de 3º e 4º da ESO. Dentro destas iniciativas contra a violencia de xénero, a igualdade xoga un papel moi importante á hora de relacionarse uns cos outros.

 

Para Enrique Oubiña , todas estas actividades ” son moi necesarias, e o feito de que ano a ano se nos vaian sumando colectivos e entidades, como este ano o colexio e os comercios, que acolleron moi ben estas campañas, é un sintoma de que cando hai vontade poden facerse moitas cousas, que poden parecer pequenas e sinxelas, pero que supoñen avances moi grandes. “

  O tenente de alcalde incidiu esta tarde na colaboración de diferentes entidades  e colectivos co Concello e dos esforzos que se estan facendo dende Servizos Sociais e no positivo que todo iso resulta para o Concello. Afirmou Oubiña que  “Os traballadores de Servizos Sociais de Ribadumia, e as traballadoras do CIM xa facían un moi bo traballo. Pero dende a nosa chegada todo  mudou de dimensión, e non me refiro solo a física. O apoio continuado a estes departamentos, e o aumento de recursos,  conleva  que se sintan máis apoioados e iso da resultados. Agora o CIM chega mais lonxe, atraendo actividades novas, traballando máis a fondo con diferentes colectivos de mulleres. Pero a cousa vai máis alo, poñendo o foco nas mulleres victimas de violencia machista, e nos seus fillos, con actividades especificas e coa creación de foros de traballo, como a mesa mancomunada de coordinación contra a violencia de xénero… Servizos Sociais  pola súa banda vai cada día a máis, involucrase, sacando tempo de onde non o teñen, nas diferentes iniciativas que organizamos, e o involucrarse eles arrastran a outros colectivos. Aparecen entidades novas como ESMAR_violencia Cero; o Colexio e o comercio local sumanse as actividades e colaboran con nos… O final , dende o goberno  cumprimos coa nosa función impulsando estas cousas, pero son os actores reais os que fan que isto funcione, e a vista salta que funciona. Estou moi orgulloso do traballo que se esta facendo.”

 

 

   O equipo de goberno do Concello de Ribadumia ven de facer públicas as contas da festa do Viño Tinto do Salnés.

Abre aquí o documento  BALANCE F.Tinto 2016_2017

   No documento publicado incluense as contas da festa do 2016, co cal é posible comparar como evolucionou a festa e sacar conclusións. A este respecto esta maña Enrique Oubiña comentábanos que “non se publican contas de festas anteriores porque foi imposible, debido a falta de documentación e a que parte da festa se xestionaba dende a comisión, motivos polos cales ademais de non ter os numeros claros era imposible saber canto custaba en realidade a Festa do Tinto. Agora que todo se fai dende o Concello e con transparencia, todo é máis facil”.

   O balance final da festa deste 2017 foi que se gastaron  124.028,89€, e se ingresaron 52.262,80€, polo que o concello tivo que facer fronte a 71.766,05€. Según Enrique Oubiña, “o custe para o Concello non supon moita diferencia coas medias contas que o PP facia cando gobernaba. O que si esta claro é que cando todo se gasta en A, as contas sempre suben”.

  Comparativamente co ano 2016, a festa custou 15.758,08€ máis, pero os ingresos tamén aumentaron en 4.586,93€, onde se destaca o maior apoio da Deputación e das marcas comerciais. Tamén hai que ter en conta que este ano non se incluiron os case 2.000€ que cada ano se sumaban á caixa de ingresos e que viñan do que a Asociación de Veciños de Barrantes recadaba pedindo polas casas, quedando este ano en mans da propia asociación para afrontar os gastos da festa relixiosa.

   Enrique Oubiña comenta, ante o maior custe con respecto ó 2016 que “está máis que xustificado; este ano a carpa dos stands foi maior, e quen veu á festa comprobou que fixo boa falta ese aumento, e fixéronse melloras en canto a contratación do persoal, que pasou de ser simple voluntariado a estar todo contratado con todos os dereitos, ademais de aumentar a aposta pola actuación de grupos locais, que nos consideramos necesaria nun Concello con tanta xente nova e tan alto nivel musical.”

   En resumo, para Enrique Oubiña “hai que salientar primeiro a transparencia das contas, unha mellora notable e que era imprescindible para Somos Ribadumia. E agora, á conta desta transparencia,  a festa poderá, por fin e cos números claros,  ser obxecto de valoración e mesmo de crítica, tanto por parte dos veciños como do partido da oposición. Cada quen que saque as súas conclusións, pero eu creo que calquera que ande metido nunha comisión de festas e sepa o que custa organizar estes eventos, estará de acordo comigo en que non se pode facer máis con menos. Poderase criticar se unha orquesta foi mellor, ou se este grupo estivo ben ou mal, ou se aquela actividade deu mellor ou peor resultado, pero eu dende aquí defendo, partindo da base de que todo é mellorable e que sempre hai cousas que corrixir,  tanto a xestión da festa, o seu plantexamento con actividades para todos os públicos,  como o enorme traballo de toda esa xente que a fixo posible, e gracias o cal puidemos  disfrutar de tres grandes días de festa; unhas persoas  que demostraron unha gran capacidade de traballo en equipo e de compromiso.”

   Enrique Oubiña respondeu esta semana as preguntas de Marta Landeira no programa Falemos do Canal Rias Baixas. Na entrevista fixo unha valoración do goberno de Ribadumia e clarificou algunhas cuestións acontecidas en días pasados e a preocupación de Somos Ribadumia por que se cumpra o pacto de goberno, e da necesidade de dar un impulso claro e rotundo as políticas sociais e de creación de emprego .

Unha interesante entrevista ó  noso voceiro.

• David Castro participou na viaxe organizada pola Mancomunidade do Salnés sen comentar nada co representante de Somos Ribadumia, nin dar explicación algunha dos motivos de tal participación, nin do interés que podía ter para Ribadumia .
• O asistir a esta viaxe puxo en perigo a aprobación do resultado contable do ano 2016 no pleno do pasado xoves.
• Somos Ribadumia solicitará a Tino Cordal que pida explicacións por este tipo de viaxes no seo da mancomunidade.

   A Comisón Executiva de Somos Ribadumia, organo responsable do traballo diario da plataforma e que vela pola correcta xestión do pacto de goberno, consideramos, logo de ter coñecemento de que David Castro participou nunha viaxe organizada pola Mancomunidade do Salnés a Francia, que a súa participación nesta viaxe foi innecesaria e inadecuada.

  O concelleiro de Somos Ribadumia, Enrique Oubiña informou  a semana pasada á  Comisión Executiva de que o alcalde non participaría no pleno do xoves por estar no estranxeiro, pero non puido aportar máis motivos pois descoñecía os detalles de tal ausencia, considerando que se trataba dunha cuestión persoal.  Máis adiante, pudose saber que en realidade o alcalde estaba participando nunha viaxe institucional, pero os detalles de tal viaxe, o propio concelleiro admite que os coñeceu pola prensa.

   Dende Somos Ribadumia non nos opoñemos as cuestións institucionais e a estar presentes onde sexa necesario para os intereses de Ribadumia, e recoñecemos a figura do alcalde como máximo representante do noso concello. Pero este tipo de cuestións deben estar consensuadas, definidas e claramente xustificadas.

   Por ese motivo cremos que esta maneira de actuar, de costas os socios de goberno non é adecuada. E menos vendo que a viaxe, cando menos  discutible en canto o que puidera resultar de interesante para o noso concello, non foi en realidade máis que unha operación, pagada con fondos públicos,  do señor Duran para estreitar lazos con  cargos e forzas políticas concretas.

  O máis grave desta situación, da que o alcalde, a pesares de voltar o domingo non aportou explicación algunha ata onte (martes) ó mediodía, foi a posición delicada na que quedou o equipo de goberno no pasado pleno municipal, celebrado o xoves e onde entre outros temas, se incluía a aprobación do resultado contable do ano 2016 e o plan económico financeiro requirido polo estado debido a un desaxuste contable, asuntos vitais para o desenvolvemento  da vida municipal.  A situación derivada da ausencia do alcalde provocou que se tivera que aprobar a conta co voto de calidade da alcaldesa en funcións, pois o PP votou en contra provocando un empate na votación. Se por calquera motivo un dos concelleiros ou concelleiras do equipo de goberno non puidese asistir a este pleno, o resultado contable non sería aprobado, e iso podería ter consecuencias negativas  para o concello, pois a aprobación das contas é necesaria para cuestións  tan importantes como a consecución de subvencións e fondos outras administracións.

  Polo que respecta á viaxe, dende somos Ribadumia solicitaremos ó noso homologo cambadés, Tino Cordal, que no seo da mancomunidade pida explicacións e plantexe as medidas oportunas para controlar este tipo de viaxes e os seus custos, e evitar que cando se organice un evento deste tipo, se deturpe a súa función transformando unha viaxe institucional nunha viaxe orientada a atender intereses políticos concretos, deixando de lado o interés  real para os nosos concellos.

  Somos Ribadumia aproveitamos para recordar que nos presentamos as pasadas eleccións cuns obxectivos moi concretos, e asinamos no seu momento un pacto de goberno moi esixente en moitas cuestións, e cunha serie de medidas concretas que tomar e de cuestións éticas e de transparencia que deben respectarse. O feito de asinar ese pacto levou a David Castro a ser alcalde co noso apoio, e a Somos Ribadumia a formar parte do equipo de goberno, pero nin perdemos a nosa identidade como forza política, nin a nosa independencia para tomar as decisións que consideremos oportunas. Neste momento  algunhas das medidas previstas no pacto acumulan demasiado retraso,  ademais de que certas inxerencias están desvirtuando  e entorpecendo o bo traballo do equipo de goberno. Consideramos, así pois,  que debe centrarse na súa labor de cumprimento do pacto, por que no caso contrario este perdería o seu efecto e a súa razón de ser, invalidando todos os acordos tomados.