• Plan, madruga, comedor escolar e escola de ocio serán as primeiras medidas que se porán en marcha no próximo curso nos Centros Rurais Agrupados de educación infantil.

• Ao longo desta maña Enrique Oubiña e outras persoas da lista de Somos Ribadumia explicaron as nais dos CRAs en que consisten estas medidas, que serán completadas con outras, como a ampliación da escola de verán as tardes, así como levar actividades culturais e lúdicas a todas as parroquias.

• Estas medidas vanse completar con outras, como a ampliación da escola de verán ao horario de tarde, as melloras dos horarios da escola de ocio actual, e melloras nos prezos d a gardaría municipal.

  Enrique Oubiña está nesta semana visitando os CRAs de Lois Leiro, Ribadumia e Sisán para dar a coñecer as medidas en cuestión de conciliación familiar que dende Somos Ribadumia poremos en marcha se gobernamos no concello a partir do próximo domingo.

Unha das cuestión que  para Somos Ribadumia é primordial, tal como explicaba Oubiña esta maña é “aportar calidade de vida no rural, para favorecer que as  familias se instalen nel. E iso pasa por ofrecer servizos públicos de calidade e que favorezan a vida das persoas ,algo que vai moito máis alo dos saneamentos. Neste aspecto para nos é primordial poder ofertar os mesmos servizos de conciliación que se ofertan en Barrantes, por ese motivo, se gobernamos ,a partir do próximo curso os CRAs contaran con servizo de plan madruga, comedor e escola de ocio.”

Esta medida, que xa esta valorada economicamente polo que solo faltaría levar a cabo o proceso de contratación do servizo e  vai favorecer tamén que se poidan manter os CRAs abertos, vanse instaurar en cada un dos centros, sen necesidade de facer traslados dos cativos. Polo que as nais e pais terán a seguridade de poder marchar para traballar coa tranquilidade de que o neno estará no mesmo lugar ata que volvan a buscalo.

Esta medida vaise complementar coa ampliación da escola de verán ao horario de tarde, para poder garantir un lugar onde deixar o neno en toda a xornada laboral todo o ano.

Tamén  propoñemos ampliacións de horario da escola de ocio  ao longo do curso escolar, para facer coincidir este funcionamento coas xornadas laborais máis habituais, e melloras nos prezos da gardería.

  A axenda das parroquias.

Estas medidas, ademais, tal como salientou Oubiña “vanse complementar con outras tamén importantes, como vai ser a instauración da axenda das parroquias, a través da cal se van levar as diferentes parroquias ao longo do ano actos culturais e lúdicos, tanto para nenos como para persoas adultas, que van facer máis atractiva a vida nestes lugares, non solo os días de verbena, se non todo o ano.”.

Todas estas medidas, que  temos recollidas no noso programa de goberno, están orientadas a mellorar a calidade de vida en todas as partes do noso concello.

  Unha das novidades, quizais a máis importante, que ofrecerá a edición deste ano da Festa do viño tinto, será a presencia dun punto morado de indormación e prevención da violencia de xénero.

   A campaña do punto morado da Festa do viño tinto do Salnés e exaltación das variedades autóctonasfoi impulsada polo concelleiro de servizos sociais Enrique Oubiña a traves do seu departamento, e deseñouse co obxectivo de recoller esta mensaxe de respecto cara ás mulleres e de rexeitamento cara a calquera tipo de violencia para difundilo a toda a sociedade solidarizándose con este símbolo dunha loita que nos concierne a todos e a todas.

   A prevención da violencia contra as mulleres, refórzase con esta campaña do PUNTO MORADO da festa do Tinto do Salnés e exaltación das variedades autóctonasque lanza unha única mensaxe clara e rotunda NON Á VIOLENCIA CONTRA AS MULLERES.

   Esta iniciativa insiste en facer visible o rexeitamento da cidadanía á violencia contra as mulleres a través da colocación do stand PUNTO MORADO da Festa do Tinto de Barrantes e exaltación das variedades autóctonas.

  Para Oubiña “o punto morado vai ser un complemento importante a unha festa como esta cunha alta afluencia de xente. Dende Somos Ribadumia estamos moi orgullosos dos cambios que se introduciron na festa dende o 2015 gracias á nosa influencia, como os concertos de grupos locais ou á andaina solidaria, que aportan unha importante compoñente social a este evento, o primeiro de importancia no  verán do Salnés”.

O punto morado disporá de dous persoais diferenciados que traballarán coordinados na festa durante os días 31 de maio, 1 e 2 de xuño:

1. Os/ as voluntarios/ as formados/ as no protocolo de prevención de agresións por motivo de xénero dentro da festa.

Estos voluntarios/as informarán ao público en xeral sobre o punto morado, alertarán e derivaran á muller agredida cara o punto morado.

2. Os técnicos especialistas na xestión de situacións de violencia de xénero.

Estos técnicos especializados na loita contra a violencia de xénero coordinan a caseta do punto morado e informan as situacións detectadas coordinándose cos corpos e forzas de seguridade.

  A colaboración cidadá e a implicación dos medios de comunicación propiciarán o éxito da campaña. NECESITAMOS A IMPLICACIÓN DE TODOS E DE TODAS PARA FACER UNHA CAMPAÑA FORTE facendo uso do PUNTO MORADO da Festa do viño tinto do Salnés e exaltación das variedades autóctonas como símbolo de rexeitamento á violencia contra as mulleres.

 

• Recordámoslle ao candidato de IR que as obras necesarias para realizar proxectos do tamaño do que propón deben aprobarse en pleno, non en xunta de goberno.
• Recordámoslle tamén que a día de hoxe non hai ningunha partida económica prevista nin ningún compromiso de ningún ente superior asinado, e que a Deputación de Pontevedra, en mans do Psoe, tumbou ese mesmo proxecto, polo que o apoio socialista na realidade non existe.
• Quizais quen anda a facerlle a rosca a Gonzalo Durán, ao delegado provincial da Xunta, o señor Tourís e a outros destacados membros do PP, deba explicar a onde quere chegar, e non Somos Ribadumia, que xa demostramos sobradamente que non temos problema en enfrontarnos con claridade ao PP ou a calquera forza que vaia contra os intereses do noso concello.

A vista do comunicado emitido por IR, vémonos na obriga de facer unha serie de aclaracións.

– A primeira relativa ao pacto de goberno. O punto ao que se refire IR no seu comunicado, é correcto, pero esquece o señor Castro que un proxecto da envergadura do que se esta falando precisa dunhas partidas orzamentarias, que se deben aprobar en pleno. E para iso é necesario a día de hoxe, o apoio de Somos Ribadumia, salvo que IR chegue a acordo co PP nese punto, no suposto pouco probable de que se levara algo a pleno neste sentido nos 8 días que quedan de lexislatura.

– David Castro leva meses vendendo que ese proxecto “xa é unha realidade” , reuníndose en privado e case en segredo con diferentes colectivos no concello, e o máis grave, falando en nome do goberno sen autoridade para facelo e sen consultalo cos seus socios, para darlles a entender que o seu proxecto está en marcha, pero non é certo. Non hai máis que iso, un proxecto, que ademais xa foi rexeitado no seu dia Deputación do PSOE e sobre o que a día de hoxe non hai ningún compromiso de financiamento por parte de ningunha instancia superior, e nin sequera a obra figura, máis alo da parte xa aprobada, coa que concordamos totalmente como xa se dixo no seu día, recollida ni borrador dos orzamentos.

– Esa parte do proxecto, a que se vai realizar, consiste en melloras da seguridade viaria nas rúas de acceso ao Colexio, que se vai facer con cargo ao plan DEPOREMSE, nin sequera formaba parte do proxecto orixinal, tal como afirma o candidato de IR, se non dunha proposta anterior, por certo realizada polo noso concelleiro de obras co obxectivo de mellorar a seguridade no entorno da gardería, e que se recuperou logo de tres anos durmindo no caixón do alcalde, primeiro para complementar o proxecto tumbado pola Deputación, e despois cando saíu a convocatoria do DEPOREMSE, e que se vai a executar independentemente do que se faga co pavillón e co campo de fútbol, obras por certo que foron aprobadas, estas si co voto de Somos Ribadumia.

– Enrique Oubiña xa explicou que no seu momento, e os seus socios eran conscientes, cando a Deputación sacou a liña de axudas para “obras singulares” que aceptaba a presentación deste proxecto para intentar conseguir a subvención que se solicitaba, de ata 1,5 millóns de euros, pero advertindo que non compartía todo o proxecto e que tiña matices que non acabábamos de ver claros, como o aparcadoiro semisoterrado sen vixilancia ou o situar os autobuses ao lado da gardaría.

– Tal e como se lle explicou as socios de goberno no seu día e coa mellor das intencións, visto que a Deputación non aceptou o proxecto, entendemos que era a oportunidade de darlle unha volta e ir a un proxecto mais ambicioso, que resolvese non só os problemas de acceso ao colexio, senón tamén outros que ten o núcleo de Barrantes, como a falta de aparcadoiros e de dotación de zonas verdes e equipamentos para escola de música ou a xuventude. un proxecto mais ambicioso que se pode facer realidade a medio prazo por pouco mais coste que o que se pretende agora por parte de ir e do psoe.

– Quizais o candidato de IR, ou a súa muleta socialista, queiran explicar como pretenden, nun suposto local de so 200 metros cadrados, meter a nova escola de música, e os locais para a ANPA e para outros colectivos que el mesmo leva meses comprometendo a cada unha das entidades por separado.

– Somos Ribadumia non vendemos fume nin asumimos compromisos irrealizables, como ben demostramos nestes catro anos. Se falamos de trasladar o campo de fútbol é porque o vemos necesario e factible. No seu día non había terreos para facer o segundo campo en Ribadumia e conseguíronse, aínda que fora de mala maneira e pagando un prezo esaxerado, algo que con nos no goberno non vai acontecer. O único que fai falla e vontade e capacidade de xestión e saber negociar e chegar a acordos coas persoas afectadas, e coas consellerías e administracións que corresponda.

– sobre o intento ridículo e desesperado de tentar relacionarnos co PP. O único que temos que decir é que non somos nos, se non o candidato de IR, o que se dedica a lanzarlle loubanzas a Gonzalo Durán – na prensa onte mesmo – e evita encontronazos co resto de dirixentes populares, e non somos nos, se non o candidato de IR e o presidente do seu partido, os que se dedican a ir a restaurantes cambadeses de renome a comer e a cear con importantes cargos do PP, polo que igual é IR o partido que deba darlle explicacións aos seus votantes.

Pola nosa banda, nos presentamos o noso proxecto, e estamos encantados de haxa outros partidos que coincidan coa nosa visión do futuro para Barrantes, pero unha concordancia puntual está moi lonxe de ser un acordo de goberno, como debería saber quen leva catro anos gobernando gracias ao noso voto e sen ter problemas.

Resumindo: Por desgraza, non hai nada aprobado, nin definitivo para o entorno do colexio de Barrantes, hai 2 proxectos, un que xa foi rexeitado pola Deputación no seu momento e o que Somos Ribadumia lle ve certas deficiencias, e outro mais ambicioso pero que pensamos resolverá todos os problemas que ten Barrantes na actualidade. Os veciños terán que escoller que futuro queren para Barrantes, nos pola nosa banda como sempre, estaremos abertos a buscar solucións consensuadas con todas as partes, pero que sexan efectivas e definitivas, non unha galería de parches.

• Na súa onceava edición, as actividades para nenos volveron compartir espazo cunha decena entidades de carácter social, o proxecto cooperativo do CPI Xulia Becerra malvar, e mesmo coa terceira idade.
• Esta xornada, organizada polo departamento de servizos sociais, baixo a responsabilidade de Enrique Oubiña, volveu destacar pola súa boa organización.

Este pasado domingo Ribadumia volveu gozar dunha xornada de convivencia familiar coa XI Festa da Familia.

O evento, que xa esta plenamente asentado volveu apostar, como cada ano dende que Enrique Oubiña é concelleiro de servizos sociais, por promover a vertente máis social da mesma, contando coa presenza de diversas entidades de carácter social, que completaron todas as atraccións pensadas para os nenos, dende inchables ata un karaoke infantil, pasando por diversos xogos tradicionais, e mesmo un xadrez xigante.

Un dos obxectivos da xornada, que se cumpriu sobradamente, foi o de poñer en contacto a diversas entidades de carácter social coas familias e en particular a nenos en situacións moi diversas. Así, entidades como BATA, Esperanza Salnés ou TDAH Salnés, organizaron actividades conxuntas, ademasi de expoñer o traballo que fan a diario, xunto a outras entidades como o Banco de Alimentos doSalnés, o SPAD do Salnés ou o Centro LAR.

Tamén tiveron o seu espazo os nenos do proxecto cooperativista do CPI Xulia Becerra malvar e un nutrido grupo de usuarios do xeriatrico de Ribadumia.

Enrique Oubiña ,que aparcou os traballos de campaña para axudar na montaxe da feira, e pasou a tarde colaborando e participando coa súa familia, valorou moi positivamente este evento “que mellorou gracias a nosa aportación, permitindo agora unha festa que sexa tamén un punto de encontro a todos os niveis para familias de moi diversa índole e circunstancias. Tamén valorou e agradeceu Oubiña “o traballo do departamento de servizos sociais e do educador familiar, Santiago telmo, un profesional como poucos que fai posible co seu esforzo que esta feira, e outras actividades importantes que se organizan dende servizos sociais, saian adiante. E do mesmo xeito temos que agradecer a todas as entidades que quixeron participar e colaborar nesta xornada, que pasou de ser so unha tarde de xogos a ser toda unha tarde de convivencia entre familias moi diversas”.