David Castro segue perdendo subvencións por incompetente. Desta volta, 26.000€ por non leer a letra pequena. Pero o peor é o resultado da actuación.

 

  • Perdeu a maior parte dunha axuda de vicepresidencia da Xunta por non encaixar correctamente o proxecto nas condicións da liña económica.
  • Un erro que obrigou a dotar fondos na última modificación de crédito.
  • A actuación nos parques infantís, inexistente, e deixando as reparacións necesarias sen realizar.
  • Visto o resultado, en que gastou David Castro os 50.000€ desta actuación??

      No último pleno, para tentar xustificar unha modificación de crédito de 207.000 €, a concelleira de contas, Pilar Martínez, declarou ata en tres ocasións que unha parte deses cartos había que dotalos por culpa da Xunta de Galicia, que había minorizado sen motivo unha subvención solicitada para unha actuación nos parques infantís do Concello. No mesmo pleno David Castro, sendo interpelado por esa subvención, desmentiu o dito pola concelleira e declarou que en realidade a minoración, que supuxo recibir 12.000 € no canto dos 38.000 € previstos,  sí tivo un motivo concreto, que foi non ter en conta no proxecto presentado o recollido nas bases da convocatoria, que especificaba que non se podían pedir axudas para parques que xa foran subvencionados en anos anteriores. En resumo, que o Concello perdeu unha boa parte desa axuda por non leer ou non facer caso da letra pequena da convocatoria, tendo que acudir despois ao colchón económico da nosa veciñanza para pagar a factura desa mala xestión.

O goberno de David Castro colocou o cartel da obra nunha valla podre e sen reparar. Exemplo de incompetencia máis claro imposible de lograr.
Bueno, igual si; volveron facer o mesmo en Barrantes, ao amarrar o cartel a unha valla podre ao caron dunha papeleira rota.

  Dende Somos Ribadumia podemos asumir que unha subvención se rexeite por cuestións normais, pero non porque David Castro ignore as condicións das convocatorias e pretenda recibir os cartos pola súa cara bonita. Esta mala maneira de actuar, propia doutros tempos e funcionamentos políticos pero pouco acaída hoxe en día, xa levou ao goberno a perder case medio millón de euros da Deputación o pasado ano, así como outras liñas de axudas, ata sumar en tres anos de lexislatura máis de 1 Millón de euros perdidos, unha cantidade moi importante para un concello como o noso.

E total que os parques infantís seguen en mal estado.

  Con todo, a axuda solicitada a Consellería de Infraestruturas, que en contra do que declarou Pilar Martinez, xa estaba recollida no orzamento xeral aprobado en marzo, contaba cun orzamento de 48.520 €, dos cales a Consellería  unicamente concedeu 12.000€, debido aos erros no proxecto presentado.

Os parques con sombra teñen o caucho cheo de verdín pola falta de mantemento, un perigo para os nenos.

   Pero dende Somos Ribadumia preguntámonos, unha vez máis, en que gasta David Castro os nosos cartos.  Esta  semana fixemos unha visita aos parques infantís de Ribadumia, e somos incapaces de entender en que fundeu o goberno eses 48.000€, dedicados supostamente nunha parte importante segundo se  dixo no pleno  a “posta a punto de TODOS os parques infantís”, pois os parques, xa non é que en xeral presenten a mesma imaxe de abandono dos últimos anos, senón que non hai ningunha mellora realizada.

As vallas dos parques, podridas e sen mantemento.

Tal como explica o noso voceiro. “Visitamos todos os parques e áreas infantís do Concello, e a única mostra dunha reparación que vimos foi a colocación dunha cadea nun columpio en Besomaño, o parque con menos uso do concello, e aínda teño dubidas de que sexa nova. Polo demais, nin se substituiron pezas rotas, nin se colocou nada novo”.

Chapuzas varias, como reparar cordas rotas con cinta americana.

  De feito, a imaxe dos parques infantís chegou a un punto moi dramático. En Sisán o caucho do chan estase esfarelando, no parque infantil de barrantes ten buracos importantes quedando o formigón de debaixo á vista, e en Leiro está cuberto dunha capa de verdín que o converte nunha perigosa pista de patinaxe; todas as redes das canchas están rotas; en Lois o brazo dun tobogán leva roto dende o verán do ano 2019, e non sabemos como foi posible, pero a madeira foi pintada sen que ninguén reparara a rotura, que está apañada polas mestras da aula infantil, para evitar feridas nas crianzas; en Barrantes, unha tea de araña de corda foi “apañada” con cinta americana, unha chapuza que agora loce toda desfeita, e unha tea similar en Ribadumia ten os arames á vista, sendo un perigo para a rapazada. E en xeral, a falta de limpeza e de coidados é moi evidente.

Tamén hai exemplos de actuacións complicadas. Por exemplo este brazo dunha rampa sita no parque infantíl de Lois leva dende o 2019 rota. Pois foi pintada, os tornillos cambiados, pero o brazo non se reparou.

  Dende Somos Ribadumia preguntámonos que actuacións amosou David Castro a Luís López e Natalia Prieto na súa visita o día 30 de agosto, se o parque no que se fixeron non ten ningunha peza nova, a area está invadida pola herba, e algún dos xogos que hai presenta un deterioro importante. De feito, ata  o cartel da actuación foi colocado nunha valla podre e rota.

O xoguete ao carón do cal David Castro, Mar Moimenta, Luís López e Natalia Prieto se fixeron unha bucólica foto rodeados de nenos, ten importantes deficiencias.

   En resumo, David Castro pide subvencións mal, e despois inviste os cartos peor.  Dende Somos Ribadumia non podemos compartir esta maneira de xestionar os fondos públicos, baseada en buscar titulares malgastando os cartos. E dende logo, no podemos admitir que os parques infantís estean nas condicións de abandono que están. Pero sobre todo, preguntámonos en que se están gastando os cartos da nosa veciñanza.

Nin sequera se repararon os elementos defectuosos.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s