• Completamos unha rolda de conversas con todos os colectivos deportivos.
•  As problemáticas son comúns: deficiencias e falta de mantemento nas instalacións, problemas de espazo, unha, xestión desequilibrada dos recursos, a  redución de fondos das axudas económicas e unha discriminación dos eventos municipais en favor dos privados.
• As nosas propostas: aumento inmediato das partidas das liñas de subvención, modificación das bases e convenios por actividade para garantir unha axuda económica mínima e a celebración dos eventos de relevancia, melloras no mantemento e dotación das instalacións que faltan.
• Hai que eliminar a competencia desleal entre concello e empresas deportivas, dar apoio coa burocracia da administración tanto a clubs como a colectivos que traballan na federación de novos deportes, caso do pole dance, con presencia e moita aceptación no noso Concello.

    Dende Somos Ribadumia  vimos de manter unha rolda de conversas coas entidades deportivas do concello, pois aínda que a nosa relación con elas xa eran fluídas e tiñamos as nosas propostas traballadas dende fai tempo, sempre hai axustes que facer e novas situacións.

  As xuntanzas  serviron para a confirmar as problemáticas que son vellas: instalacións desfasadas ou que se quedan pequenas, caso do campo de A Bouza en Barrantes,  falta xeralizada de mantemento e limpeza, a falta de actualización das partidas das axudas aos clubs, e as diferenzas entre o apoio a eventos privados e os eventos organizados por clubs locais. Pero tamén hai novos retos aos que  David Castro non quere facer fronte, como a existencia dun terceiro club de fútbol coas súas necesidades, o Xuventude de Sisán, ou o crecemento do Club Ciclista Ribadumia, que precisa dunhas instalacións mínimas que agora non ten. Tamén existen novas realidades, como o caso do pole dance, os deportes libres ao aire libre, e tamén é preciso revisar a axenda de actividades municipais para evitar conflitos con empresas privadas do noso concello.

    Dende Somos Ribadumia tomamos boa nota das vellas é das novas realidades, e expuxemos as nosas propostas, algunhas das cales xa as vimos defendendo toda a lexislatura.

  En primeiro lugar, comprometémonos a aumentar a partida destinada as axudas a través das bases de maneira inmediata, algo posible ao non ter aínda orzamento, e a poñer ao día todas as instalacións existentes, e mellorar a limpeza. Isto inclúe aos pabillóns, algúns dos cales están nun estado lamentable, ou presentan problemas de condensación dende fai anos. Máis aló disto, e dunha revisión das bases moi necesaria para adecualas as novas realidades do Concello, cremos que é necesario deixar de marear aos clubs co apoio aos diferentes eventos que organizan, e tamén mudar o desequilibrio que hai entre o apoio a eses eventos e o que se da a outros como o AF7.

  A nosa aposta é asegurar a través de convenios dúas cousas: por unha banda unha cantidade mínima de axuda anual para a actividade deportiva xeral, diferenciada das axudas existentes que teñen o peso na promoción das bases deportivas. Por outra banda protexer o apoio económico do Concello aos eventos de relevancia que aconteza no concello, e rematar co mareo ao que David Castro somete aos clubs de maneira continua. Esta fórmula tamén aforra burocracia tanto ás entidades como ao Concello.

  Máis aló do económico, hai que dar solución aos problemas de espazo e de falta de instalacións que teñen os clubs. A mala planificación de gobernos anteriores fai que ante a chegada de novos clubs e disciplinas deportivas as instalacións actuais, que costaron millóns de euros, non sexan suficientes, e ademais as instalacións que hai non son ampliables por falta de espazo físico, e no caso do campo de A Bouza, o uso compartido e a situación en pleno centro urbano son problemas engadidos. A nosa aposta é clara: hai que facer unha nova instalación deportiva, que sexa suficiente e que teña visión de futuro e capacidade para aumentar a axenda de deportes.  Ademais disto asumimos o compromiso de dotar dunhas instalacións mínimas en Leiro ao Club Ciclista Ribadumia.

    Ademais destas propostas, tempo claro que hai que atender a outras cuestións. Hai que apoiar a colectivos como o do pole dance, que están no trámite da súa federación como deporte. Tamén hai que promover que as actuais escolas deportivas deán paso a novas entidades deportivas que aporten variedade de opcións, e hai que revisar a axenda de actividades que oferta o concello, pois está moi desfasada e entra en conflito coas empresas que nos últimos anos se instalaron no Concello, mentres obvia novas realidades, como a práctica deportiva ao aire libre que cada día ten máis adeptos e require de instalacións públicas, como xaulas de calistenia, por exemplo, ou pistas tipo pump track, para deportes de corte máis urbano, que hai que realizar, pero con criterio, non poñelas en calquera lado para xuntar cuns votos seguindo a moda do momento.

  E ante a pregunta de “e de onde van, saír os cartos? “ a resposta é clara: de traballar e xestionar ben, pero de partida, para parte do proposto chega con poñer no orzamento de maneira concreta o que David Castro gasta sen control, e para os investimentos máis importantes, chegaría con pedir, e despois non perder, subvencións . Xa perdemos a posibilidade de acceder a máis de 8 millóns de euros; con lograr a cuarta parte deses fondos chegaría para afrontar os investimentos de maior tamaño que se expoñen aquí.

• Parécenos unha completa falta de sensibilidade, de educación e de respecto por un colectivo non haberse comunicado con esa asociación que durante anos organizou actividades encadradas na festa.
• David Castro segue pasando por enriba das entidades sociais, e creando polémicas polas súas formas.
• E xa postos, lamentamos á falta de ambición  e de novidades no 50 aniversario da nosa festa máis emblemática, e propoñemos que pase a estar xestionada por un Patronato ou Fundación.

    Dende Somos Ribadumia debemos lamentar a polémica creada ao redor dun concurso de fotografía. Non imos entrar na cuestión, que a propia asociación afectada explicou moi ben. Dende a nosa posición, consideramos que David Castro evitaría está situación, a poucas semanas da festa, con diálogo e falando as cousas, en vez de andar a pisar o traballo de outros sen miramentos.

Vaia por diante todo o noso apoio a ese colectivo, como a todos os demais.  Os desprezos de David Castro cos colectivos que non están dirixidos por xente da súa contorna non son novos. Nesta lexislatura en varias ocasións tivemos que por de relevancia desplantes a varias entidades deportivas e culturais, tal como recolle a hemeroteca e o rexistro do Concello. Pero aínda non fai moitos días que a Asociación Herminio Barreiro, que se cansou de determinadas cuestións e decidiu paralizar temporalmente a súa actividade quedando así Ribadumia sen asociacións de carácter cultural,  lamentábase nas redes sociais de levar dende setembro de 2021 agardando a ser recibidos por David Castro.

  Dende o noso punto de vista resulta moi triste que David Castro teña estas actitudes partidistas. Os colectivos, todos eles, deben ser respectados e apoiados, e un alcalde non debería ter esas actitudes de desprezo, ir ao choque con eles ou manterlles conxeladas as axudas para empurralos a desaparecer, que é o que leva facendo catro anos.

Sobre a festa.

  Aínda que preferiamos non valorar a L Festa do Viño Tinto do Salnés é das variedades autóctonas ata logo de que tivera lugar, non podemos deixar de por de relevancia a nula novidade, coa salvedade dun concurso de tapas e o concurso de fotografía envolto en polémica, que nin novidade é. A andaina  posta en marcha no seu día por Enrique Oubiña sendo concelleiro de política social, xunto aos concertos de grupos locais e as actuacións na carpa, tamén impulsadas polo noso partido, foron case ás únicas novidades en oito anos. E neste 50 aniversario agardabamos, sobre todo despois do anuncio feito por David Castro na pasada edición prometendo unha festa para o recordo, algo máis de chicha, algún concerto de nivel, algunha actividade con certa relevancia (un concurso fotográfico cun único premio de 100€ tampouco é un algo que poida crear espectativa, por poñer un exemplo), pero o máximo ao que chegou este goberno foi a un grupo “tributo” a Joaquín Sabina, que aínda sigue vivo e para o caso  ten un caxé que se podería valorar.

 Que David Castro declarase que non quería organizar unha festa de máis calado para que “ despois a disfruten  outros “( a festa terá lugar na semana seguinte ás eleccións) tampouco nos parece moi correcto. Se non conta gañar ás eleccións pois que marche xa, pero ata  que pasen ás eleccións e se elixa un novo alcalde, o cargo, se non dimite, teno el, e debe actuar en consecuencia.

   Cómpre recordar que aínda que a festa está sustentada por un grupo de persoas voluntarias, a responsabilidade e a xestión económica é a todos os efectos é do Concello. Tamén o financiamento se fai en gran medida con fondos públicos. A este respecto temos claras as nosas propostas: a Festa ten que pasar a estar xestionada por un Patronato ou unha Fundación, que agrupe a Concello é ao sector vitivinícola, pero tamén hostaleiros é comerciantes, é debe ser profesionalizada, non pode ser que a festa máis importante do Concello, que move máis de 100.000€ de fondos públicos, estea a espensas da boa vontade ou mesmo da saúde ou cuestións particulares dun grupo de voluntarios, que poden cansarse ou causar baixa deixando a festa no aire, e iso sen falar cuestións de seguridade xurídica. E dende logo, se chegamos ao Concello, resarciremos a pobreza desta edición na seguinte.

• O 4 de maio Enrique Oubiña denunciou a situación de 12 persoas ás que David Castro lles estaba negando o SAF. O 5 de maio pola mañá, deu de alta a 4 desas 12 persoas de golpe.  Un pouco forzado de máis para ser casualidade.
• David Castro fala do nicho do traballador social, de menos de 5 metros cadrados e sen ventás dende un despacho de 25 metros cadrados, dúas ventás e aire acondicionado, pero non di nada das condicións laborais do educador familiar e da traballadora social.
• David Castro nega os datos de Somos Ribadumia, pero non aporta os datos que segundo el serían os reais. Só palabrería.

    Dende Somos Ribadumia debemos lamentar ás cínicas e demagóxicas declaracións de David Castro, que dende un despacho de máis de 25 metros cadrados, dúas ventás e aire acondicionado, di que o despacho do educador familiar, de menos de 5 metros cadrados, e sen ventás nin apenas ventilación, é un espazo adecuado.

 David Castro non conta según que cousas. Por exemplo que desprazou ao educador familiar, que tiña o seu despacho co seu arquivo e documentación, aproveitando unha baixa deste, e que o colocou nun nicho que só se usaba de maneira puntual, debido ás súas características, que non son ás adecuadas para ter un despacho permanente, e menos para atender a familias completas, ou persoas con cadeiras de rodas, pois o espazo é moi reducido. De feito cando vai unha nai cun carriño, por exemplo, o educador familiar ten que atendela coa porta aberta, anulando o dereito a intimidade desa persoa. Para Oubiña “isto é o grave da situación, que ás persoas que van a servizos sociais non teñan intimidade”. Tampouco conta que agora o educador familiar non ten acceso directo a todos os seus expedientes, que quedaron no despacho que agora ocupa outra persoa con funcións distintas, nin que para poder acceder aos expedientes o educador familiar ten pouco menos que pedir permiso.

   Sobre ás declaracións de David Castro relativas á lei de protección de datos, recordarlle que el mesmo declarou no debate realizado entre os candidatos que tiña un rexistro de persoas usuarias, algo que o propio Oubiña lle recriminou. “É para o caso, a segunda traballadora social, á que David Castro entregou todas as competencias que lle sacou á traballadora decana, foi designada á dedo inicialmente, é escollida despois nun proceso selectivo realizado por un tribunal reducido de persoas que incluía á  que agora ocupa o número 3 da lista electoral de David Castro, que ninguén dubida da súa profesionalidade e eu ademais estou seguro que o proceso foi limpo e profesional, pero claro…. E hoxe mesmo calquera persoa que vaia por servizos sociais comprobará como outra persoa da lista de David Castro está facendo labores administrativas nese departamento, e recibindo ás persoas que van por alí, tomando nota de a que van… Tinto, e nunha botella cunha etiqueta que pon “viño”. Igual David Castro debería medir máis o que di, e o que fai”.

    Para o caso da situación do SAF, compre remarcar a cadea de feitos. Enrique Oubiña fixo público no pleno do 4 de maio a situación de 12 persoas ás que David Castro tiña bloqueado o acceso ao SAF. O día seguinte pola mañá de maneira milagrosa resolvéronse catro desas situacións, e apareceron, segundo declaracións do propio alcalde outras  que ao final renunciaron ao servizo, seguramente porque xa non era necesario. Moita casualidade nos parece iso, máis ben que David Castro deu orde de corrixir a situación logo de que lle explotara na cara. En calquera caso demóstrase que existían eses casos, e que David Castro, unha vez máis, actúa á salto de mata e aos ditados de Enrique Oubiña, que leva toda a lexislatura marcándolle o paso.

   O que David Castro non fixo, máis aló de acusar a Enrique Oubiña de mentir, é aportar datos que poidan desmentilo. “Non os publicou porque os nosos datos como en todas as ocasións anteriores son correctos. David Castro ten un problema moi grande se pensa que os seus contos lle van á durar sempre. Á xestión demostrase con feitos, e os seus feitos no departamento de servizos sociais están moi á vista, así que volvelos insistir, David Castro debe César á Sofía Núñez, que se agarra á Concellería con uñas e dentes, e el mesmo debe asumir responsabilidades políticas como máximo responsable de todo o que está acontecendo”.

• 12 persoas teñen concedidas horas de SAF e o Concello non lles dá servizo.
• Ademais hai mala xestión das horas concedidas por Igualdade, tendo case 300 horas sen xestionar.
• Hai queixas veciñais por lentitude de trámites, mesmo persoas que están perdendo axudas por malas actuacións do departamento de servizos sociais.
• Esiximos responsabilidades a quen está facendo política coas necesidades dos demais.

    Dende Somos Ribadumia queremos por de relevancia a inaceptable situación na que están unha ducia de familias en Ribadumia ás que David Castro e a súa concelleira de política social e igualdade Sofía Núñez  lles manteñen bloqueado o acceso ao Servizo de Axuda no Fogar, tendo todos os parabéns do resto de administracións . Tal como explica Oubiña “fixemos unha consulta formal e encontrámonos con que case un terzo das 57 persoas que en Ribadumia teñen recoñecido o dereito a unha axuda de dependencia, non teñen acceso a ese servizo porque o goberno de David Castro llo ten bloqueado. É vergonzoso”.

   Resulta dun gravidade absoluta que despois de conseguir unha axuda que ten unha tramitación moi longa e enfarragosa, David Castro bloquee o acceso a esa axuda que tanta falta lle fai a esas persoas e a esas familias. Porque ademais do dito, resulta que David Castro nin sequera sabe como xestionar as horas para este servizo que concede a Consellería de Sanidade, e ten unha bolsa de case 300 horas sen usar. “Sendo eu concelleiro vivimos unha loita constante para aumentar o cupo desas horas, e seguían faltando. Agora David estraga as poucas horas que lle manda a Xunta e presume  xestión. Incrible”

   Preguntado en pleno por esta cuestión a concelleira de política social calou, como sempre, e o alcalde non foi quen facer nada máis que acusar a Oubiña de mentir e pretender que o departamento “nunca tan ben funcionou” un mantra que leva repetindo meses pero que día si e día tamén queda desmentido polos feitos demostrados.

Para Oubiña a palabrería do alcalde non tapa os feitos. En 12 anos que levo de concelleiro, en ningún pleno nin en ningún momento se expuxo este tipo de problemáticas, que van moito máis alá destes últimos feitos. Temos sido moi críticos coa política social do PP, pero nunca tivemos queixas deste tipo, e dende logo na miña etapa o departamento despegou e púxose como referencia para a comarca, aumentáronse as horas de dependencia, as políticas de igualdade e a atención as familias. Leccións a min David, ningunha. E discursiños tampouco, que eu sei moi ben do que falo”.

  A cuestión de fondo é a atención, esaxeradamente politizada, que se fai dende o departamento de servizos sociais. Hai traballadores pechados nun despacho, algún sen ventás, coas funcións reducidas, un persoal con longa experiencia que David Castro supliu con persoal de confianza, que dedica máis tempo a pasar informes da situación das persoas que van ao departamento que a facer o traballo que lle corresponde. Todos os trámites do departamento a día de hoxe teñen que pasar sí ou si por alcaldía e non poden ir adiante se David Castro non da o visto bo. E David Castro está bloqueando procesos de persoas as que el considera que se debe castigar. Noutros casos, a inexperiencia e tamén a falta de especialización dun persoal cuxa formación na maior parte non ten que ver co traballo social, lastran a xestión das moi variadas cuestións que pasan por ese departamento. “O grave de todo isto, é que cando a un veciño ou unha veciña se lle bloquea o acceso a un servizo ou perde unha axuda por non facer os trámites correctamente, estamos sacándolle o pan. Que quede moi claro: David Castro está sacándolle o pan á xente coa súa maneira de actuar. É indignante”.

     Pedimos a dimisión inmediata de Sofía Núñez, polas súas actitudes, resumidas na peineta que lle dedicou á veciñanza a semana pasada, e pola súa xestión do departamento de servizos sociais, o departamento máis importante do Concello. E por suposto por todo o demais, como falsear a declaración de bens ou ser apoderada dunha empresa que factura ao Concello.

   E esixímoslle a David Castro que se Sofía Núñez non dimite, a cese de inmediato. E que cese el tamén na súa actitude e devolva a normalidade ao departamento de servizos sociais. Xa está ben de xogar coas necesidades da xente.