ASAMBLEA DE SOMOS RIBADUMIA ACORDA CENTRAR A SÚA ACTIVIDADE NO NIVEL MUNICIPAL.

image

Por este motivo, acordou non participar como grupo en ningunha das iniciativas que se estan a propoñer para as próximas eleicións xerais.
Nas próximas semanas traballaran na creación dunha estructura organizativa que permita dar apoio a labor no Concello, mantendo os principios de participación aberta e transparencia
.

A semana pasada tivo lugar unha Asemblea de SOMOS RIBADUMIA celebrada, como de costume,  de xeito aberto aos veciños e contando cunha importante asistencia.  
A xuntanza estaba convocada para tratar sobre tres temas:  A actividade no Concello, o posicionamento con respecto as próximas eleicións xerais e que facer a nivel organizativo con SOMOS RIBADUMIA.
No primieiro apartado, por parte de Enrique Oubiña, concelleiro de SOMOS RIBADUMIA e membro do goberno municipal, deuse cumprida información sobre a labor do equipo de goberno do Concello de Ribadumia: Enrique explicou a súa labor e responsabilidades no Concello, os proxectos que se están levando a cabo e as dificultades coas que se atoparon pola herdanza do anterior goberno do Partido Popular.   Tamén respostou as preguntas de varios asistentes sobre cuestións municipais.
Con respecto as eleicións xerais, a Asemblea analizou a situación política actual e a información que se fixo chegar a SOMOS RIBADUMIA por parte das diferentes iniciativas que se están a levar a cabo en Galicia de cara a conformar unha marea galega ou candidatura cidadán para presentarse as próximas eleicións xerais.
Despois dun debate a asemblea acordou que SOMOS RIBADUMIA non participará, nin apoiara, como grupo organizado, ningunha destas iniciativas, aínda que se respetará que haixa colaboradores de SOMOS RIBADUMIA que o queiran facer a título individual, pero non en representación da candidatura local.
O argumento principal que levou a tomar esta decisión e a conciencia de que SOMOS RIBADUMIA naceu como unha candidatura a nivel local de representación veciñal, e polo tanto, o lóxico e que TODAS AS NOSAS ACCIÓNS DEBEN CIRCUNSCRIBIRSE A ESE ÁMBITO.

Tívose en conta ademáis a oportunidade que nos outorgaron os veciños de Ribadumia, ao permitirnos formar parte do goberno local, con toda a actividade e responsabilidade que eso implica, e a, de momento, pouca estructura organizativa da que se ten dotado SOMOS RIBADUMIA, e polo que os asistentes elexiron a opción de centrarse no proxecto municipal, que non deixa de ser a nosa principal motivación.   Tamén se opinou que esta non ten porque ser unha decisión “para sempre” – definitiva.  SOMOS RIBADUMIA non cerra a porta ao que poida pasar no futuro, si se dan as circunstancias que permitan o apoio ou coordinación con outras iniciativas similares a outros niveles, simplemente acordamos que “agora non é o momento”.

TRABALLAR NA DOTACIÓN DUNHA ESTRUCTURA ORGANIZATIVA:   
Xa no último punto, abordouse a necesidade de continuar avanzando na creación dunha mínima estructura organizativa, que permita, por un lado, colaborar e apoiar o traballo do groberno local do Concello de Ribadumia, do que formamos parte; e tamén manter a actividade de SOMOS RIBADUMIA como grupo organizado, continuando coas asembleas abertas e o traballo informativo que se viña realizando antes das eleicións municipais de maio.
Deste xeito elexiuse un grupo de traballo, que formulará unha proposta organizativa concreta a debatir e aprobar nunha próxima xuntanza.  Trataríase da creación dun grupo de traballo cunhas responsabilidades que permitan levar a cabo o día a día de SOMOS RIBADUMIA: atender os aspectos organizativos, de comunicación, redes sociais, formación, secretaria, ….
Xa o deciamos antes das municipais, SOMOS RIBADUMIA nace da iniciativa dos veciños de Ribadumia, e veu para quedarse.  A nosa intención e traballar para que cada día máis e máis persoas contacten coas nosas propostas e facernos merecedores do seu apoio.  Convidamos a todos os veciños de Ribadumia a informarse e formar parte de SOMOS RIBADUMIA.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s