Co obxectivo de rematar a rolda de xuntanzas veciñais nas parroquias antes de rematar cá redacción dos orzamentos municipais, o equipo de  goberno decidiu darlle un pulo as xuntanzas que estaba mantendo cos veciños e veciñas polas diferentes parroquias e que están recibindo moi boa acollida , concentrando as catro que inda estaban pendentes neste fin de semana.

As xuntanzas polas parroquias están tendo unha gran aceptación entre os veciños, e son moi importantes porque permiten poñer ós membros do equipo de goberno en contacto coa realidade que se vive en todo o concello.

   Así, a axenda queda da seguinte maneira:

• Venres 26 de Febreiro, as 20:00h, Barrantes, no centro social.

• Sabado 27 de Febreiro, as 20:00, Ribadumia, na casa de cultura.

• Domingo 28 de Febreiro, as 10:30, Besomaño, na casa de cultura.

• Domingo 28 de febreiro, as 12:00, Leiro, no centro social.

Dende aquí convidamos a veciñanza a acudir a estas xuntanzas, que afondan na transparencia do funcionamento municipal, expoñendo ós concelleiros e concelleiras ó xuízo dos veciños, que teñen así unha moi boa oportunidade de transmitirlle todo aquilo que consideren.